Microsoft Word navoiy farhod va shirin nazm lotin ziyouz com doc

www.ziyouz.com
kutubxonasi 
76
Bu fasl ichraki zebi olam o‘ldi, 
Bori ofoq sabzu xurram o‘ldi. 
Qilib ul gulshani miyno sori azm, 
Tuzub ul sabzai ra’no uza bazm. 
Falakvash qasri axzar ichra mayno‘sh 
Ki, aylab charxi axzarni faromo‘sh. 
Qilib Farhodu xoqon hulla chini, 
Bo‘lub Chin taxtining masnadnishini. 
Yashil to‘n ichra har yon siymbarlar, 
Yashil barg ichra andoqkim shajarlar. 
Qizil rohu yashil chini riyola, 
Nechukkim sabza sahni ichra lola. 
Mayi gulrang chini sog‘ar ichra, 
Shafaq andoqki charxi axzar ichra. 
Ayoqchiliq etib har sori oyin, 
Achig‘ may tutqali bir sabzi shirin. 
Bo‘lub may shirasidin otashangez, 
Berib ul o‘tqa taskin qursi kashnez. 
Taom ichra takalluflarg‘a dastur, 
Ham andoqkim burunroq bo‘ldi mazkur. 
Bo‘lub ham qasri miyno ichra uch oy, 
Nishotu aysh birla bodaraymoy. 
Chu qildi kahrabogun mehri gardun, 
Yig‘ochlar bargi rangin kahrabogun. 
Yetishti kahrabogun qasr chog‘i. 
Ochildi kahrabogun qasr bog‘i. 
Shajar yafrog‘i bo‘ldi kahrabodek, 
Demakim kahrabo, mehri samodek. 
Bu nav’ o‘t sori bo‘lg‘och yel guzori, 
Sochib har sori gulrezi chinori. 
Chinorekim ichiga o‘t tutoshib, 
Ul o‘tning shu’lasi bargidin oshib. 

---

Alisher Navoiy. Farhod va Shirin