Microsoft Word navoiy farhod va shirin nazm lotin ziyouz com doc

www.ziyouz.com
kutubxonasi 
332
Jahon xalqi aro badnomlig‘ ham. 
Yamon gar yaxshi, har ne bo‘ldi hodis, 
Anga bir turfa barno erdi bois 
Ki, arzir erdi gar yuz muncha qilsoq, 
Qayu yuz muncha, gar o‘lguncha qilsoq. 
Chu bois bartaraf bo‘ldi arodin, 
Ne ochilg‘ay sababsiz mojaroding‘ 
Bizing kishvarni bu shoheki olmish, 
Base ajzu niyoz o‘rtog‘a solmish. 
Tarab bu nav’kim, qilmak keraktur, 
Bu ishni mug‘tanam bilmak keraktur. 
Bo‘lub Rarvez rayvandi bila shod, 
Bu zindondin ulusni qilmoq ozod. 
Yo‘q ersa bo‘lmish elning toqati toq, 
Yaqindurkim bo‘lub Bonu bila oq
3
. 
Berib tatvil mundoq guftu go‘g‘a, 
Ochib qo‘rg‘onni bergaylar aduvg‘a. 
Eshitgach bo‘yla har yondin takallum, 
Tushub ko‘ngliga haddin ko‘p tavahhum. 
Kirib Shirin qoshig‘a ochti rozin, 
Falakdin oshurub so‘zu gudozin 
Ki: «Yey jismimg‘a, bal jonimg‘a rayvand, 
Yuzungga jismu jonim orzumand. 
Bir ishdurkim takallum sursa bo‘lmas, 
Netaykim oni ham yoshursa bo‘lmas». 
Ulus bu nav’ deydurlar hikoyat, 
Tamomin ayladi bir-bir rivoyat. 
Dedi Shirinki: «Yey quti hayotim, 
DeKimdur, garchi mone’dur uyotim. 
Manga juft ul, ulusning fardi erdi 
Ki, ko‘nglum quti, oning dardi erdi. 
Chu kechti juftdin ul toqi ofoq, 

---

Alisher Navoiy. Farhod va Shirin