Microsoft Word navoiy farhod va shirin nazm lotin ziyouz com doc

www.ziyouz.com
kutubxonasi 
248
Chu fahm ettiki bormish ilgidin ish, 
Yiqilmay bag‘rig‘a mahkam qilib tish. 
To‘kub Farhodning ul holig‘a yosh, 
Qo‘nqordi ul qayodin bir og‘ir tosh. 
Biyikrak yerda tutmish erdi manzil, 
Ayog‘ ostida hiylatsoz g‘ofil. 
Aningdek urdi ul tosh birla oni 
Ki, avval mag‘zi, so‘ngra chiqti joni. 
Usholdi tosh birla ul qotiq bosh, 
Masaldurkim, «ushotur boshni tosh»
4
. 
Agar ul xastag‘a yetkurdi ofot, 
Yana ofotdin torti mukofot. 
Chu yettilar suruk xayli jafokesh, 
Bo‘lub Farhod holig‘a badandesh. 
Biri deb sudroli Xusravg‘a tegru, 
Biri deb eltoli boshini ayru. 
Chu ko‘rdilar jamoli jonfizoyin, 
Unuttilar taaddi rasmu royin. 
Ko‘tardilar ani aylab yuz ikrom, 
Qilib avd urdilar Xusrav sori gom. 
O‘lukdek o‘zda yo‘q Farhodi mahjur, 
Yovushub o‘zni o‘lturmakka Shorur. 
Bo‘lub chun tog‘ aro ul navharardoz, 
Sadodin tog‘ etib ham navha og‘oz. 
Bu yanglig‘kim falak aylab sitezi, 
Tushub qo‘rg‘on eliga rustaxezi. 
Va lekin yoshurub ul ishni nokom 
Ki, nogah bilmagay sarvi gulandom. 
Ki, fahm etsa yumub jondin ko‘zini, 
Shake yo‘qturki o‘lturgay o‘zini. 
Alar aylab asir ul notavonni, 
Mashaqqat tog‘ida bexonumonni. 

---

Alisher Navoiy. Farhod va Shirin