Microsoft Word navoiy farhod va shirin nazm lotin ziyouz com doc

www.ziyouz.com
kutubxonasi 
23
Duru gavhar xayolin jong‘a soldi, 
Munungdek bahri beroyong‘a soldi. 
Buyurdi solmoq ochib rechu tobin, 
Falak burjig‘a o‘rgamchi tanobin. 
Balo tog‘ig‘a zo‘r izhori birla, 
Keturmak naqb qoqum xori birla
1
. 
Qalam bargu guli nasring‘a surmak, 
Raqam Farhod ila Shiring‘a surmak. 
Munga dog‘i zarur erdi taaqqul, 
Chiqormoq bir tikandin yuz tuman gul. 
Zaruriy bo‘ldi avzoig‘a tag‘yir
2
Ki, dilkash bo‘lg‘ay ushbu safha tasvir. 
Yana bois bukim, ishqi balosho‘r, 
Bir o‘tdin aylab erdi jonima zo‘r
3
. 
Tilim xud bor aning ta’rifida lol, 
Qilay xomam tilidin sharhi ahvol. 
Hazin jonimda bor erdi baloe, 
Balolig‘ ishq ila haryon havoe. 
Birov ishqi solib jonimg‘a anduh, 
Mashaqqat toshi yuklab ko‘h to ko‘h. 
Bo‘lub zulmi o‘tidin xasta jonim, 
Qarorib dudi birla xonumonim. 
Birov yo‘q, kofiri qotilnihode, 
Rarivash, devzulme, hurzode. 
Ko‘zining kufridin yuz jong‘a ofat, 
Tuman ming kishvari imong‘a ofat. 
Sirohi zulm ila chun kelturub zo‘r, 
Jahon mulkiga solib g‘orati g‘o‘r. 
Ko‘zi solg‘och ko‘ngul kunjig‘a oshub, 
Bo‘lub kirpiklari sabru xiradro‘b. 
Tushub olam aro g‘avg‘osi haryon, 
Jahon mulkida vovaylosi haryon. 

---

Alisher Navoiy. Farhod va Shirin