Microsoft Word Mineral va petro lat doc

Asosli effuziv jinslar

Asosli jinslarning effuziv turlaridan bazaltlar yer po‘stida keng tarqalgan. Qolgan hamma effuziv jinslarni birgalikda hisoblaganda bazaltlar 5 marta ko‘p.

Bazaltlar rangi qora kul rangdan qoragacha bo‘lib, asosiy massasi zich yoki g‘ovaksimon bo‘ladi. Asosiy massa tarkibida 20–25 %gacha mineral donalari ishtirok etadi. Ular plagioklaz, piroksen, olivin, ba’zan ma’danli minerallardan iborat. Asosiy massa juda mayda kristallardan (mikrolitlardan) va shishasimon massadan tashkil topadi.

Bazaltlar porfir va shishasimon strukturaga ega bo‘ladi. Bazaltlarning o‘zgargan turlari yashilsimon tusi bilan ajralib turadi. Ular diabaz deb ataladi.