Microsoft Word mahtumquli ziyouz com doc

YOR JAMOLIN KO’RMAGUNCHA KO’Z BILAN 
 
Kimim bordir, arzim Yorga yetkazsin, 
Ishq o‘tida kuydim-ketdim ko‘z bilan. 
Kelib, qo‘li bilan o‘tim o‘chirsin, 
Yo‘qsa so‘nmas boron bilan, muz bilan. 
 
Kelgan kechdi, kelajakka yurt qo‘ydi, 
Oshnolig‘ni nomard buzdi, mard qo‘ydi, 
Yor siynamda dog‘ ustiga dard qo‘ydi, 
Dard ustiga murch qo‘yibdir tuz bilan. 
 
Ma’shuqim topdirmas, topsam, qo‘l bermas, 
Iqbolim uyg‘onmas, baxtim ham kulmas, 
Yuragim tinchimas, ko‘ngil tek turmas, 
Yor jamolin ko‘rmaguncha ko‘z bilan. 
 
Bir dardga tushibman, hech kimsa bilmas, 

---

Saylanma. Maxtumquli 
 
 
www.ziyouz.com kutubxonasi 
68
Iyso uqmas, Luqmon chorasin qilmas, 
Kelgan turmas, tuman boshdan ayrilmas, 
Har zamon bir dardni chekkum so‘z bilan. 
 
Ming ishq bilan molu dunyo yig’arsan, 
Bir narsa deb, yuz ko‘ngilga tegarsan, 
Dunyo-daryo, tan bir soldir, agar san, 
Qachongacha tay ketarsen tuz bilan? 
 
Bu dunyo molindan kim eltdi bir zot, 
Avvali – Qam-qayg‘u, oxiri – barbod, 
Bo‘lajaging shudir sening, odamzod, 
Yo‘q bo‘larsan tuproq bilan, tuz bilan. 
 
Maxtumquli, ne manzilda turarsan, 
Yurt kimningdir, og‘ir ishlar qilarsan, 
Qismat bo‘lsa, parcha yerga kirarsan, 
Nasib bo‘lsa, olti quloch bo‘z bilan.