Microsoft Word mahtumquli ziyouz com doc

YARATGAN ALLOHDAN FARMON YETISHSA 
 
Yer ostinda maskan tutgan sirotga, 
Tog‘lar kabi yuz ming resmon taqarlar, 
Azob bermoq uchun har bir nomardga, 
Yetti yer ostindan uni chekarlar. 
 
Yaratgan Allohdan farmon yetishsa, 
Yetmish ming saf malak chekar g‘am-g‘ussa, 
Har saf insu jinga yetmish ming hissa 
Olib kelib, yer yuzinda cho‘karlar. 
 
To‘rt sutun, har sutun o‘ttiz ming boshli, 
O’ttiz ming dahanli, o‘ttiz ming tishli, 
Har tishi bu baland tog‘lardan kuchli, 
Har tishdan o‘ttiz ming zanjir taqarlar. 
 
Tog‘lardan quvvatli, daryo haybatli, 
O’tkir olmos tishli, nahang sifatli, 
Mahshar kun Haq yonida bo‘lsang uyatli, 
Fil, govmish bo‘yinli mo‘ylar suqarlar. 
 
Maxtumquli, bo‘yin bergil farmona, 
Qiyomat kun hayfing kelsa bu jona, 
Jahannam qahrindan tortsa ziyona, 
Nor, bug‘ro sifatli uchqun chiqarlar.