Microsoft Word mahtumquli ziyouz com doc

SHOH NAQSHBANDIY 
 
Bir kecha yotardim , Shohi Naqshband. 
Karami jo‘sh aylab, bir non ketirdi. 
O’ngi qo‘lida boda – gulgun sharobi, 
Chap qo‘lida toza biryon ketirdi. 
 
Uyg‘ondim uyqudan, qoldim tushimdan,  
Hayron qoldim devonaning ishindan, 
Bodasin no‘sh aylab, ketdim hushimdan, 
Hamdiydadan ashki giryon ketirdi. 
 
Jon xurujga keldi qaynab jo‘shmoqdan, 
Yuragim mavj urdi to‘lib-toshmoqdan, 
Bir ishorat bo‘ldi unga tushmoqdan, 
Fahm etmadim, jonga armon ketirdi. 
 
Anglamadim, ishqqa bo‘ldim xaridor, 
Bilmadim, istadim dilbardan diydor, 
Ishq dardiga tushdim, qoldim giriftor,  
Kim ham bu dard uchun darmon ketirdi? 
 
Maxtumquli, turdim tavof etmoqqa, 
Til farmon bermadi javob etmoqqa, 
Ishq ahlining holin xarob etmoqqa, 
Aqlim olib, mastu hayron ketirdi... 
 

---

Saylanma. Maxtumquli