Microsoft Word mahtumquli ziyouz com doc

KO’CH KETAR, KARVON AYLANMAS 
 
Ey yoronlar, musulmonlar, 
Omonatdir, jon aylanmas. 
Sog‘liqqa yo‘qdir e’tibor, 
Tut misol, mehmon aylanmas. 

---

Saylanma. Maxtumquli 
 
 
www.ziyouz.com kutubxonasi 
136
 
Kimdir sahar turar birdan, 
Kimdir bosh ko‘tarmas yerdan, 
Shaydo dilli go‘zallardan 
Tish ketar, zabon aylanmas. 
 
Baland tog‘dan haybat ketar, 
Yerlardan barokat ketar, 
Rum shahrindan quvvat ketar, 
Ustoda do‘kon aylanmas. 
 
Azroil yo‘l ochar bir kun, 
Jon sharbatdan ichar bir kun, 
Erdan davron kechar bir kun, 
Ot o‘lar, maydon aylanmas. 
 
Shariatdan ayri qolmang, 
Haq ishiga sustkash bo‘lmang, 
Odam o‘g‘li, g‘ofil yurmang, 
Ko‘ch ketar, karvon aylanmas. 
 
Benamoz, uchrarsan g‘amga, 
Unda doding yetar kimga?  
Unda zo‘r bersang chilimga, 
Jasadda iymon aylanmas. 
 
Maxtumquli, budur iqror, 
Haq yo‘linda turar chin yor, 
Kimning izinda o‘g‘il bor, 
Kimdadir nishon aylanmas.