Microsoft Word лотинча девиант хулқ-атвор психологияси rtf

Vuayerizm  –  jinsiy  aloqa  yoki  tanlangan  jinsning  yalang‘och 
vakillarini  yashirincha  kuzatishga  moyillik,  pornografik  tasvirlar, 
filmlar  va  hk.lar  bilan  haddan  ortiq  qiziqishdir.  Yashirincha  kuzatish 
odatda, to‘satdan qo‘lga tushib qolishdan qo‘rqish bilan kechadi, bu esa 
jinsiy  maylni  yanada  ko‘proq  kuchaytiradi  va  yorqin  orgazm  olishni 
osonlashtiradi.  Vuayerizm  yuzaga  kelishi  variantlaridan  biri  bolalik 
(ko‘pincha  o‘smirlik)  davrida  to‘satdan  jinsiy  aloqa  ustidan  chiqib 
qolgan va agar bu jinsiy to‘lqinlanishga olib kelgan taqdirda kelgusida 
shartli refleks mexanizmi kabi o‘rnashib qolgan bo‘lishi mumkin.  
Deviantlar  kiyim  almashtirayotganlarni  yashirincha  kuzatish  yoki 
yalang‘och  jinsiy  a’zolarni  ko‘rish  uchun  plajlar,  hojatxonalar  oldida 
uzoq  vaqt  kutib  turishlari  mumkin.  Ulardan  ayrimlari  muntazam 
ravishda  ginekologik  kabinetlarning oynalari  tagida paydo    bo‘ladilar, 
kechalari  shahar  bo‘ylab  daydib  yurishadi  va  xonadonlarning 
derazalaridan  mo‘ralashadi.  Vuayerizm  odatda    masturbatsiya  bilan 
kechadi.