Microsoft Word Iqtisodiy protsessual Kodeks

185-модда. Бир неча даъвогар фойдасига ёки бир неча жавобгарга қарши қабул 
қилинган ҳал қилув қарори 
Бир неча даъвогарнинг талаблари қаноатлантирилганда ҳал қилув қарорининг хулоса 
қисмида суд уларнинг ҳар бирига нисбатан унинг қайси қисми тегишлилигини кўрсатади. 
Бир неча жавобгарга нисбатан талаблар қаноатлантирилганда суд ҳал қилув 
қарорининг хулоса қисмида жавобгарлар зиммасига улушли ёки солидар жавобгарлик 
юклатилганлигини кўрсатади. 
Дастлабки ва қарши даъволар тўлиқ ёки қисман қаноатлантирилганда ҳал қилув 
қарорининг хулоса қисмида суд даъволарни ўзаро ҳисобга олиш натижасида ундирилиши 
лозим бўлган суммани кўрсатади. 
 LexUZ шарҳи 
Қаранг: Мазкур Кодекснинг 
44
,
 176 — 179-моддалари
. 
3-§. Суднинг ҳал қилув қарори қабул қилинганидан кейинги ҳаракатлари 
186-модда. Ҳал қилув қарорини эълон қилиш 
Суд муҳокамаси тугалланган суд мажлисида қабул қилинган ҳал қилув қарорининг 
фақат хулоса қисми эълон қилинади, бу қисм судья томонидан имзоланиши ва ишга қўшиб 
қўйилиши керак. 
Ҳал қилув қарори беш кун ичида тўлиқ ҳажмда тузилади ва имзоланади. 
Раислик қилувчи ҳал қилув қарорининг хулоса қисми эълон қилинганидан кейин ишда 
иштирок этувчи шахсларга ҳал қилув қарорини тўлиқ ҳажмда тузиш ва уларга юбориш 
муддатини, шунингдек ҳал қилув қарори устидан шикоят қилиш (протест келтириш) 
тартибини тушунтириб беради. 
 LexUZ шарҳи 
Қаранг: Мазкур Кодекснинг 
176 — 179-моддалари
. 
 LexUZ шарҳи 
Қўшимча маълумот учун қаранг: Ўзбекистон Республикаси Олий хўжалик суди Пленумининг 
2015 йил 19 июндаги 283-сонли «Иқтисодий судлар томонидан процессуал муддатларга оид қонун 
нормаларини қўллашнинг айрим масалалари тўғрисида»ги қарори 21-бандининг 
иккинчи хатбошиси
, 
Ўзбекистон Республикаси Олий хўжалик суди Пленумининг 2007 йил 15 июндаги 161-сонли 
«Иқтисодий суднинг ҳал қилув қарори тўғрисида»ги қарорининг 
11-банди
, 13-бандининг 
олтинчи 
хатбошиси
.