Microsoft Word ihyo ulimni eslash ziyouz com doc

www.ziyouz.com kutubxonasi 

12

Agar bu dardning jaholat va dunyoga muhabbat kabi ikkita illati daf’ qilinsa, kasallik 

barham topadi. Jaholatdan qutilish yuli — oxiratga doimo safarbar qalbdan chiqadigan 

sof fikr hamda pokiza qalb egalari aytgan purma’no hikmat-ni tinglashdir. 

Dunyoga muhabbat og‘ir dard. Bu dardning muolajasi avvalgilaru oxirgilarni qiynab 

keladi. Shubhasiz, bu dardning yagona davosi oxirat kuniga, oxiratda beriladigan kattiq 

azob va ulug‘ savoblarga iymon keltiryshdir. 

Ishonch «yaqiyn» darajasiga yetganida, ya’ni shak-shubhadan batamom xalos 

bo‘lganida dunyoga muhabbat tuyg‘usi qalbdan ketadi, qalbda havasga joy qolmaydi. 

Chunki qalbni undan ulkanroq muhabbat egallaydi. Dunyoning naqadar haqir va 

oxiratning naqadar ulug‘ligini anglagan kishi, agar mashrikdan mag‘ribgacha bo‘lgan 

yerlarning podshohligi ato qilinsa ham, bu arzimas dunyoga qiyo boqmaydi. Negaki, 

bezovtalik va g‘am-kudurat manbai bo‘lgan ushbu dunyo, uning nazdida, zarracha kadri 

yo‘q. Beqadr narsaga esa kuvonib bo‘lmaydi! Bebaho ganj, ya’ni oxiratga iymon 

turganida, o‘tkinchi dunyoga muhabbat qalbga qanday o‘rnashishi mumkin?! 

Olloh taolodan solih bandalariga bu dunyoni qanday ko‘rsatgan bo‘lsa, bizga ham 

shunday namoyon qilishini so‘raymiz. Dunyo bilan vidolashayotganlarni ko‘rayapsizmi? 

O’lim kelganida ular qay ahvolda edilar? Ular o‘limni kutganmidilar? 

Ulimga hozirlik ko‘rgan kishi ulug‘ zafarga erishadi. Kimki o‘tkinchi dunyo orzu-

havaslariga aldansa, ochiq-oydin ziyon ko‘radi. 

Inson har lahza o‘z a’zolariga nazar solsin. Vaqti kelib, bu a’zolarni kurtlar kanday 

kemirishini, suyaklar qanday sochilishini tadabbur qilsin. Shoshilmasdan, batafsil ko‘z 

oldi-ga keltirsin: qurt-qumusqalar kemirishni avval o‘ng ko‘zining qorachig‘idan 

boshlaydimi yoki chap ko‘zining qorachig‘idan? 

Darhaqiqat, insonnng butun a’zoi badani qurt-kumursqaga yem bo‘lishdan o‘zgaga 

yaramaydi. Olloh taolo roziligi uchun hosil bo‘lgan ilm va xolis amaligini u bilan qoladi.