Microsoft Word ihyo ilm ziyouz com doc

hollarida tark eting!» (An’om surasi, 91-oyat) degan so‘ziga o‘xshashdir. 
 
Oyatdagi «Alloh, deng», degan so‘zidan maqsad til bilan aytish emas. Chunki til dilning 
tarjimoni bo‘lsa ham, goh rost, goh yolg‘on so‘zlaydi. Alloh taoloning nazarda tutgan joyi 
qalbdir. Qalb tavhidning manbai va ma’danidir. 
 
To‘rtinchi lafz: «Zikr  tazkir». Alloh taolo aytadiki:  
 
«Va Qur’on bilan pand-nasihat qiling! Zero, pand-nasihat mo‘minlarga naf 
yetkazur» (Zoriyot surasi, 55-oyat).  
 
Zikr majlislarining maqtalgani haqida bir qancha hadislar vorid bo‘lgan. Rasululloh 
(sollallohu alayhi vasallam): «Agar jannat bog‘chalarining oldidan o‘tsangiz, undan 
bahra olib ketinglar», dedilar. «Jannat bog‘chalari nima?» deb so‘rashdi. «Zikr 
majlislari», deb javob berdilar».
89
 
 
Yana bir hadisi sharifda aytiladi: «Allohning yer yuzini kezib yuruvchi, maxluqlarga vakil 
qilinganidan boshqa farishtalari bor. Agar ular zikr majlislarini ko‘rsalar: «Qidirgan 
narsangizga kelinglar», deb bir-birlarini chaqiradilar. So‘ng majlis ahli huzuriga keladilar 
va ularni o‘rab olib, ularga quloq tutadilar. Ogoh bo‘linglar, Allohni ko‘p zikr qilinglar va 
nafslaringizga ham pand-nasihat qilinglar».
90
 
 
Lekin hozir, ko‘rib turganingdek, «zikr» lafzini ko‘pgina voizlar qissa, she’r, shath va 
tommot kabi narsalarga qo‘llab kelishyapti. 

---

Ihyou ulumid-din (Din ilmlarini jonlantirish) – Ilm kitobi. Abu Homid al-G’azzoliy