Microsoft Word haqiqiy sevgi ziyouz com doc

«MA’RIFATNOMA»DAN

 

 

Ne davlatdirki, dildorim Sen o‘lding, 

Anisu mu’nisu yorim Sen o‘lding. 

 

Dili purdariming darmoni Sensan, 

Shifoyi joni bemorim Sen o‘lding. 

---

Haqiqiy sevgi. Mahmud As’ad Jo’shon 

 

 

www.ziyouz.com

 kutubxonasi 

34

 

Menga xasm o‘lsa olam xalqi, g‘am yo‘q... 

Ne qo‘rquv! Chun nigohdorim Sen o‘lding! 

 

Safolar, gar jafolar topsa jonim, 

Rafiqi jumla atvorim Sen o‘lding. 

 

Sanga dil bermisham, ey joni olam! 

Azaldan chunki dildorim Sen o‘lding. 

 

Desam ismi sharifing yo demasman, 

Dilimda jumla guftorim Sen o‘lding. 

 

Senga ta’zim etar dillarda Haqqiy, 

Der: inkorim yo‘q, iqrorim Sen o‘lding!..

 

 

IBODAT

 

 

Ibodat ne? Yaratganga 

      itoat ham ibodatdir, 

Haqiqiy bandalik birlan 

      sadoqat ham ibodatdir. 

Ibodatdir, tiriklikni 

      etolsang ma’rifat bog‘i, 

Mashaqqatlik ilm, san’at, 

      qiroat ham ibodatdir. 

Onang birlan otang qalbi 

      o‘tar Ka’ba tavofidan, 

Alar ko‘nglini shod etsang, 

      shu xizmat ham ibodatdir. 

Xabar oldingmi bemordan, 

      qarindosh, do‘st musofirdan? 

Birovni yo‘qlasang dildan, 

      ziyorat ham ibodatdir. 

Umrni etmayin isrof, 

      o‘zing ro‘za, vudjuding sof, 

Agar pok holda uxlarsen, 

      shu rohat ham ibodatdir. 

Mudom Allohni zikr etsang, 

      halol boriga shukr etsang, 

Qiyomat kunni fikr etsang, 

      tijorat ham ibodatdir. 

Butun borliq, nabotot ham 

      Yaratganga etar tasbih, 

Bobo dehqon ekib yursa 

      ziroat ham, ibodatdir. 

Ibodatdir, biror zolim, 

      jafokorga desang haq so‘z, 

Va nodonga sukut qilsang, 

---

Haqiqiy sevgi. Mahmud As’ad Jo’shon 

 

 

www.ziyouz.com

 kutubxonasi 

35

      sukunat ham ibodatdir. 

Agar jufti halol birla 

      ko‘ngilxushlik etar bo‘lsang, 

Falak shohid, malak hozir, 

      bu suhbat ham ibodatdir. 

Bu Islomdir, butun umring 

      ibodat holiga kelgay, 

Va ogohlik bilan o‘tgan 

      shu fursat ham ibodatdir. 

Tamal – iymonu ixlosdir, 

      bu qullik bandaga xosdir, 

Xudo deb qilganing har ish 

      va niyat ham ibodatdir. 

Sevib, Mirzo, faqat do‘stlik 

      bilan dillarni obod et, 

Agar Alloh uchun sevsang, 

      Muhabbat ham ibodatdir!..