Microsoft Word Foydali qazilma end doc

VISMUT 
35.  USTARASOY  koni. Toshkent viloyati, Bo‘stonliq tumani 
hududida, Yakkatut va Burchimullo qishloqlaridan 2 km shimolda, 
Ko‘ksuv daryosining o‘ng yon bag‘rida joylashgan. 1926-yilda birin-
chi marta arsenopirit ma’dani tabiatshunos G.X.Betger tomonidan to-
pilgan. 1931-yilda kon sifatida I.M.Yefimenko tomonidan ochilgan. 
1938–54-yillarda margimush va vismut koni sifatida qazib olingan. 
1968-yildan vismut koni sifatida ishga tushib, 80-yillar oxirida qazib 
olish ishlari to‘xtatilgan. 
SIMOB 
O‘zbekistonning simobga bo‘lgan bir yillik ehtiyoji 2000 tonna-
ni tashkil etadi va u Qirg‘izistonning Qadamjoy simob kombinatidan 
keltiriladi. Qadamjoy koni Mustaqil Davlatlar Hamdo‘stligi mamla-
katlarida simob ajratib oluvchi hisoblanadi. 
O‘zbekiston hududida sanoat ahamiyatiga ega bo‘lgan konlar 
topilmagan bo‘lsada, o‘rganishni talab etadigan istiqboli konlar mav-
jud. Bundan tashqari O‘zbekistondagi ko‘pgina simobli ma’dan ochil-
malari va oltin-kumush konlarida bu metallni qo‘shimcha sifatida ajra-
tib olish istiqbolli hisoblanadi. 
Simobga eng istiqbolli tariqasida G‘arbiy O‘zbekistonda Devo-
nasoy, Kaltasoy, Jizzax viloyatida Qorasuv konlari hisoblanadi. 
36.  QORASUV  koni. Jizzax viloyati, G‘allaorol tumani hudu-
dida, Molguzar tog‘larining janubiy yon bag‘rida joylashgan. Eng 
yaqin punktlari – Baxmal qishlog‘i (4,5 km) va Jizzax shahri (30 km) 
hisoblanadi. 
Kondagi qadimgi lahimlar izlari bu yerda qadimda simob qazib 
olinganidan darak beradi. Simobning minerali – kinovar birinchi mar-
ta 1950-yilda M.M. Posoxova tomonidan shlixlarda aniqlangan. 1960–
65-yillarda dastlabki razvedka ishlari olib borilgan. Simobning o‘rta-
cha miqdori 0,2–0,67 %ni tashkil qiladi. Konning boshlanishi qismini 
shtolnya yordamida, qolgan qismini shaxta usulida qazib olish ko‘zda 
tutilgan.  
STRONSIY 
Stronsiy birikmalarining qo‘llanishi sohalaridan eng yirigi – pi-

---

 
123
rotexnika (mushaklar, signal raketalari, o‘qlari va snaryadlari) sana-
ladi. Stronsiyning asosiy minerali bo‘lgan selestin o‘ta sof mahsulot-
lar, maxsus oyna va shishali tolalar olishda, stronsiy bo‘yoqlar, 
aluminiy, magniy, qo‘g‘oshin bilan qotishmalar, televizor trubkalari, 
atom texnikasi, avtomatika va energetika sohasida ishlatiladi. 
O‘zbekistonda stronsiyning bitta (Sherobod) koni va 40 ta 
ma’danli ochilmalari aniqlangan. 
37. SHEROBOD koni. Surxondaryo viloyati Boysun tumani hu-
dudida, Sherobod-Sariqamish ko‘tarmasining markaziy qismida joy-
lashgan; konga eng yaqin aholi punktlari – Sherobod shahri (25 km), 
Surxon temir yo‘l stansiyasi (25 km) hisoblanadi. 
Sherobod koni to‘g‘risidagi eng birinchi ma’lumotlar I.V.Mush-
ketov ishlarida (1886-y.) keltiriladi. 1887-yilda V.N.Veber selestin va 
oltingugurt minerallarining gipsli dolomitlar qatlamlarida topib o‘rga-
nadi. Konning zaxirasi 1957–58-yillarda 506 ming tonna hisobida ba-
holangan.