Microsoft Word экология мар матн лотин rtf

2. Geoekologik muammolarning tarkib topishi va shakllanishi. 
Atrof muhitning ifloslanishi va inson faoliyati bilan bog‘liq tarzda 
borishi mumkin. Inson xo‘jalik faoliyati bilan bog‘liq barcha 
ifloslanishlarni ba’zan antropogen ifloslanish, deb ataladi. Antropogen 
ifloslanish kuchaygan sari turli muammolarni, ba’zan inson hayoti 
uchun o‘ta xavfli ekologik muammolarni keltirib chiqarayotgani kun 
sayin rivojlanmoqda. Ayniqsa, ushbu muammolarning ta’sir kuchi va 
ko‘lami ortib borayotganligi juda tashvishli holdir. 
Insonning tabiatga bo‘lgan ta’sir muayyan me’yorgacha bo‘lishi 
kerak, ta’sir muayyan me’yordan oshib ketishi bilan ekologik 
muvozanat buziladi. Buning oqibatida tabiatning aks ta’siri unga bo‘lgan 
ta’sir hajmidan bir necha barobar oshib ketishi mumkin.Bunga 
Orolbo‘yida sodir bo‘layotgan ekologik va ijtimoiy iqtisodiy oqibatlarni 
misol qilib keltirish mumkin. 
Geoekologik muammolarning qanday ko‘lamda vujudga kelishi 
hamda shakllanishiga ularga ta’sir etuvchi asosiy ichki va tashqi muhim 
omillar majmuasi, geoekologik hududning tadrijiy o‘zgaruvchanligi, 
murakkablik darajasi, tabiat xususiyatlarining o‘zaro bog‘liqligining 
barqarorligi va boshqalar ta’sir etadi. 

---

91 
Tabiat bilan jamiyat o‘rtasidagi o‘zaro munosabatlarning 
keskinlashuvi oqibatida joylarda, ba’zan juda katta hududlarda turli 
geoekologik muammolar tarkib topmoqda. Tadqiqotlarning natijalariga 
ko‘ra bunday muammolar hududiy jihatdan bir-birlari bilan o‘zaro 
aloqada va tadrijiy ravishda shakllanib bormoqda. Geoekologik 
muammolar miqyosi, taraqqiyot darajasi va turlariga qarab dunyo 
miqyosidagi, o‘lka miqyosidagi va mahalliy guruhlarga ajratiladi.