Microsoft Word ece. Cep. 156. Uzbek doc

 

---

150 
8.5 
Энергетика секторининг атроф-муҳитга асосий таъсири 
Табиатни муҳофаза қилиш давлат қўмитаси энергетика соҳасини назорат қилиш учун масъулдир. 
Қўмита ўзининг йиллик ҳисоботини тайёрлайди ва Сенатга юборади. Мазкур ҳисоботда коммунал 
хўжаликлар борасида гап бормайди. Аслида эса, иситиш тизимлари ҳосил қилаётган ифлосланиш 
миқдори аниқ белгиланмайди ва назорат қилинмайди (Қаранг: 8.5-расм). 
Асосан Тошкент, Қашқадарё, Сирдарё ва Фарғона вилоятларида жойлашган иссиқлик электр қуввати 
станциялар, қозонхоналар ҳамда нефт ва газ саноати иншоотлари олтингугурт гази чиқиндиларининг 
асосий манбалари ҳисобланади. 2006 йилда энергетика сектори ҳавога 65,554 тонна олтингугурт гази 
чиқиндисини чиқарди. Бу эса бутун саноат иншоотлари чиқарадиган чиқиндиларнинг 58,8 фоизини 
ҳамда умумий олтингугурт гази чиқиндисининг 30,7 фоизини ташкил қилди.
Бу кўрсаткичлар газ ва нефть ҳамда кўмир таркибидаги олтингугуртнинг юқори миқдорда 
мавжудлигига тааллуқли, яъни улар таркибида олтингугурт миқдори – 1,8 фоиз атрофида. 
Олтингугуртнинг кўмир таркибидаги миқдори масаласига тўхталадиган бўлсак, 1970 йилда АҚШнинг 
«Тоза ҳаво ҳақида»ги Қонуни қабул қилингандан буён, барча ривожланган мамлакатларда кислотали 
ёмғирга олиб келиши билан боғлиқ хатарнинг олдини олиш мақсадида янги электр қуввати 
станцияларининг қурилиши доирасида чиқинди миқдорини камайтиришга йўналтирилган қоидалар 
амалиётга киритилди. Ваҳоланки мазкур йўл-йўриқлар турли мамлакатлар бўйлаб турлича бўлсада, 
умумий олганда ишлатилаётган кўмир таркибида олтингугуртнинг миқдори 1 фоиздан кам бўлиши 
керак. Бу эса, ўз навбатида, фильтровчи ускуналарга сарф қилинадиган ҳаражатлар миқдорини 
камайтиради. Агар мазкур стандартлар Ўзбекистонда қўлланилса, мамлакатда фаолият олиб бораётган 
электр қуввати станциялар ишлатилаётган кўмир унинг тутун чиқиндиси миқдорини камайтириш билан 
боғлиқ сарф-харажатлар туфайли талабга жавоб бермайдиган ҳамда рақобатбардошсиз бўлиб қоларди.