Microsoft Word ece. Cep. 156. Uzbek doc

Соғлиқни сақлаш вазирлиги 
Соғлиқни сақлаш вазирлигида атроф-муҳит соҳасида ҳуқуқ-тартибот ишлари билан Санитария ва 
эпидемиология назорати департаменти ва Санитария ва эпидемиология назорати миллий маркази 
шуғулланади. Марказ ходимлари санитария ва гигиена стандартларига, атмосфера ҳавосини муҳофаза 
қилиш ва радиацион хавфсизлик талабларига ва транспорт ва бошқа техника воситалари ҳосил 
қиладиган шовқин таъсири стандартларига риоя қилинишини назорат қиладилар. Атроф-муҳит 
соҳасида ҳуқуқ-тартибот ишларида ушбу органнинг аҳамияти ҳануз катта, чунки Ўзбекистонда кўп 
атроф-муҳит сифати стандартлари санитария ва гигиена стандартлари ҳисобланади. 
Қишлоқ ва сув хўжалиги вазирлиги 
Қишлоқ ва сув хўжалиги вазирлигида атроф-муҳит соҳасида ҳуқуқ-тартибот ишлари билан қуйидаги 
органлари шуғулланади: 
• 
Сув: Сув хўжалиги бош бошқармасининг сув инспекцияси ҳамда қишлоқ ва сув хўжалиги 
ҳудудий департаментлари; ва 
• 
Ҳимояланган ҳудудлар: Қўриқхоналар, миллий боғлар ва ўрмончилик бўлими, ўрмончилик ва 
ўрмонлар ҳолатини давлат назорати бўлинмаси) ва ҳимояланган ҳудудлар маъмурияти. 
Вазирлик махсус ҳимояланган табиий ҳудудлар ва ўрмонлар билан ишлайди; бироқ унинг мансабдор 
шахслари ёввойи ҳаёт билан боғлиқ ҳуқуқбузарликлар учун маъмурий жазо чораларини кўришга ҳақли 
эмаслар. Улар ҳуқуқбузарларни фақат ушлаб ТМДҚнинг ўсимлик ва ҳайвонот дунёси инспекциясига 
ёки ички ишлар органларига етказиб беришлари мумкин. Сув инспекциясининг вазифалари асосан 
сувдан фойдаланиш чекловларига риоя қилинишини назорат қилиш ва фойдаланишдаги гидротехника 
иншоотларнинг атроф-муҳит учун хавфсизлигини таъминлашдан иборат.
3
3
Гидротехника иншооти деганда сув оқимини ўзгартириш, чеклаш, тўхтатиш ёки бошқа йўл билан сувнинг табиий оқимини 
бошқариш учун мўлжалланган ҳар қандай восита тушунлади. 

---

36 
Ишлаб чиқариш, кон саноатида ва коммунал хизматларда техника хавфсизлиги бўйича давлат 
инспекцияси
Ишлаб чиқариш, кон саноатида ва коммунал хизматларда техника хавфсизлиги бўйича давлат 
инспекцияси икки давлат инспекциясидан иборат: (1) ер ости бойликларни муҳофаза қилиш, минерал 
хом ашёни қайта ишлаш ва геология разведкасини назорат қилиш инспекцияси ва (2) нефть ва газ 
саноати инспекцияси. Бу соҳадаги инспекторлар ролини давлат кончилик назорати органларининг 
бошқарувчилари ва етакчи мутахассислари бажарадилар. Инспекция ТМДҚ билан биргаликда ерости 
ресусларидан фойдаланиш ва уни муҳофаза қилиш, жумладан лозим лицензия ва лицензия ва 
маҳсулотни баҳам кўриш битимлари шартларига риоя қилиш устидан давлат назорати билан 
шуғулланади.