Microsoft Word dinda savol3 ziyouz com doc

Go‘dakni emizish majburiymi? 

 

Savol: Qaynonam bolangizni emizsangiz, yaxshi bo‘lardi, sun’iy ovqatlarning 

foydasi ko‘p emas, deb tayinlayveradilar. Gaplarida jon bormi? 

Javob:  Go‘daklar uchun ona sutidan foydaliroq, zarurroq hech narsa yo‘q. Hech 

qanday ne’mat, hatto eng zamonaviy ilmlar bo‘yicha tayyorlangan sun’iy taomlar ham 

ona sutining o‘rnini bosa olmaydi. Alloh taolo marhamat qiladi: «Onalar bolalarini to‘la 

ikki yil emizadilar. (Bu hukm) emizishni benuqson qilmoqchi bo‘lgan kishilar uchundir» 

(Baqara surasi, 233-oyat). 

Ilmiy izlanishlar tabiiy emizish tufayli go‘dakdagi kasalliklardan himoyalanish 

quvvatini kuchayishini ko‘rsatdi. Ona suti go‘dakning sog‘lom 

---

Dinda savolim bor. 3-kitob 

 

 

www.ziyouz.com kutubxonasi 

23

o‘sishiga yordam beradi, xususan, u birinchi oylarda kerak bo‘ladigan asosiy ozuqa 

unsurlarini o‘z ichiga olgan. Ona suti toza va musaffo, chaqaloq oshqozon va 

me’dasining haroratiga munosibdir. Shuningdek, u yengil hazm bo‘ladi, go‘dakni 

ichburug‘, qabziyat va oshqozon yallig‘lanishidan asraydi. Iqtisodiy tomondan uning 

oilaga qo‘shimcha hech qanday og‘irligi yo‘qdir. 

Tabiiy emizish go‘dakda rahmdillik va o‘ziga ishonch kabi sifatlarni tarbiyalaydi. Unga 

sokinlik va xotirjamlik bag‘ishlaydi. Bu narsalar esa bolaning kelajakda kuchli shaxsiyat 

egasi bo‘lishiga yordam beradi. Ijtimoiy hayot jarayoniga mutanosib ravishda o‘sishiga 

sabab bo‘ladi. Yana boshqa tomondan onaning ko‘krak saratoniga duchor bo‘lmasligiga 

bois bo‘lib, ona tanasidagi unsurlar muvozanatini saqlaydi.