Microsoft Word dinda savol3 ziyouz com doc

Savol: Kashandalikning qanday zararlari bor?  

Javob: Kashandalikning esa bir qancha zararlari bor. Avvalo, yuqorida aytilganidek, 

chekuvchining o‘ziga zarar. 

Tamaki tutunining tarkibida to‘rt mingga yaqin modda bo‘lib, hammasi inson 

salomatligini yemiruvchi ekani tibbiy tajribalarda sobit bo‘lgan. U qon tarkibini va 

aylanishini buzadi, tomirlarni qotiradi. Nosning zarari ham tutunnikidan kam emas. 

Shuningdek, kashanda sog‘lig‘i bilan birga vaqtini ham yo‘qotadi. Har kuni o‘rtacha bir 

quti tamaki chekish bir yarim soat umrni shamolga sovurdi, degan gap. Bu hisob 

umumiylashtirilsa, bir yilda yigirma uch kunni, o‘n olti yilda esa to‘liq bir sanani tashkil 

etadi. 

Tamakining oila muhitiga ziyoni, iqtisodiy va ijtimoiy zararlari haqida gapirmasa ham 

bo‘ladi. 

Alloma Abdurahmon ibn Nosir Sa’diy «Hukmu shurbid-duxon» («Tamaki chekishning 

hukmi») asarida «O’zingizni halokatga tashlamang» (Baqara surasi, 195-oyat); 

«O’zingizni o‘zingiz o‘ldirmang. Albatta Alloh sizlarga rahmlidir» (Niso surasi, 29-oyat); 

«Bugun sizlar uchun barcha pokiza narsalar halol qilindi» (Moida surasi, 5-oyat) 

oyatlariga suyanib sigaret chekishni harom, deganlar. Bunday hukmni boshqa fatvo 

kitoblaridan ham topish mumkin. «Fatovoi Tatarxoniya», «Fiqhi Kaydoniy» asarlarida 

nos, «Ajoibul muhimmat» kitobida esa sigaretning ham tahoratni ketkazishi bayon 

qilingan. 

Xullasi kalom shuki, nosning ham, sigaretning ham iste’moli ulamolarimiz ijmosiga 

ko‘ra man qilingan.