Microsoft Word Conf-селекция rtf

ҒЎЗА СЕЛЕКЦИЯСИДА МУРАККАБ ДУРАГАЙЛАШНИНГ АҲАМИЯТИ
Ибрагимов П.Ш., Ўрозов Б., *Ҳамрақулов Ш.
ЎзҒСУИТИ, *ТошДАУ 
 
Ғўза инсоният учун ҳаётий муҳим қишлоқ хўжалик экинларидан биридир, чунки 
пахтачиликнинг маҳсулоти – тола ва уруғлари ниҳоятда кўп иккиламчи ашёни беради. Ғўза 
ҳосилдорлигини ошириш жуда мураккаб вазифа бўлиб, уни ҳал этиш учун мажмуий ёндашув талаб 
этилади. Ушбу экинни етиштириш ареалига қараб бу муаммо турли йўллар билан ҳал қилинади.
Ўзбекистон дунё пахтачилигида энг шимолий пахта етиштирувчи давлат бўлиб, пахтачилик 
маҳсулоти ҳосилдорлигини ошириш ишларида зарурият сезади. Маълумки, ўсимликлар селекциясида 
яхши муваффақиятларга эришишда белгиларнинг генетик ўзгарувчанликларини ҳисобга олган ҳолда 
чатиштиришлар услубини тўғри танлаш муҳим аҳамият касб этади. Чатиштиришлар услубини тўғри 
танлаш эса селекционерлар томонидан қўлланилаётган бошланғич ота-оналик шакллар юқори ижобий 
белгиларни ўзида мужассам этган, кўнгилдагидек комбинациялар ола билишга боғлиқ ҳисобланади. 
Чатиштиришнинг турли (оддий ва мураккаб) усуллари мавжуд. Жумладан, селекция ишларида 
мураккаб чатиштиришнинг ҳар хил усуллари қўлланилиб, улардан бири қўш дурагайлаш усулидир (А х 
В) х (С х Д). Бунда, биринчи ёки ундан юқори авлод дурагайлари ўзаро чатиштирилади. Мураккаб 
дурагайлар оддий дурагай ва тизмаларнинг генотипларига қараганда ўзгарувчанлик спектри кенгроқ 
бўлган генотипга эга, ушбу ўзгарувчанлик кўпинча яратилган дурагайларга юқори мослашувчанликни 
бериши аниқланган. 
Б.Д.Аллашов ва бошқалар маълумотларига қараганда оддий дурагайлаш услуби орқали олинган 
оилаларда бир дона кўсакдаги пахта вазни ва тола узунлиги, тола чиқими каби белгилар ўртасидаги
корреляция кўрсаткичлари 0.17 дан 0.26 гача оралиқда учраган бўлса, бир дона кўсакдаги пахта вазни ва 
микронейр кўрсаткичлари ўртасидаги корреляция кўрсаткичлари 0.39 дан 0.47 гача бўлган оралиқдан 
ўрин олди. Қўш дурагайлаш услубида олинган оилаларда ушбу белгилар ўртасидаги коррелятив 
боғлиқликларда бирмунча ижобий томонга силжиш кузатилди. Яъни, қўш дурагай оилаларда бир дона 
кўсакдаги пахта вазни ва тола узунлиги, тола чиқими каби белгилар ўртасида корреляция кўрсаткичлари 
0.22 дан 0.33 гача оралиқда учраган бўлса, №1374, №1504 қўшдурагай оилаларида бир дона кўсакдаги 
пахта вазни ва микронейр кўрсаткичлари ўртасида мавжуд бўлган коррелятив боғлиқликлар юзага чиқди. 
Шунингдек, қолган қўшдурагай оилаларда ҳам бир дона кўсакдаги пахта вазни ва микронейр 
кўрсаткичлари ўртасидаги корреляция 0.45 дан 0.58 гача оралиқда бўлганлиги кузатилди. 
Юқоридаги маълумотларга асосланиб шуни айтиш мумкинки, қўш дурагайлаш услубида олинган 
оилаларнинг айримларида бир дона кўсакдаги пахта вазни ва микронейр кўрсаткичлари ўртасида мавжуд 
бўлган коррелятив боғлиқлар юзага чиқди, яъни бир дона кўсакдаги пахта вазни қанчалик йирик бўлгани 
билан уларда толанинг дағаллашиши ва микронейр кўрсаткичи ҳам давлат андозаси талабларига жавоб 
бермаслиги аниқланган. Шунингдек, қўшдурагай оилаларида бир дона кўсакдаги пахта вазни ва тола 
узунлиги, тола чиқими каби белгилар ўртасидаги коррелятив боғлиқликлар ҳам оддий дурагай услубида
олинган оилаларга нисбатан бирмунча ижобий томонга силжиганлиги кузатилди. Селекциявий 
дастурларда қўш дурагайлаш услубидан кенгроқ фойдаланиш мақсадга мувофиқ.
В.М.Бочарова қўш дурагай комбинацияларини уларнинг бошланғич шакллари бўлган оддий 
дурагай комбинациялари ва навлар билан биргаликда ўрганган. Муаллиф F
1
қўш дурагайларда 
тезпишарлик, ҳосилдорлик ва унинг компонентлари оддий дурагайлардаги каби оралиқ ҳолда наслдан-
наслга ўтишини ёки уларда бошланғич ота-она шаклларидан юқори бўлган белги кўрсаткичлари 

---

84
шаклланишини қайд этган. Оддий чатиштиришларда юқори гетерозис берувчи навлар мураккаб 
чатиштиришларда ҳам ушбу ҳолатни такрорлайди, лекин кўрсаткичлар бирозгина пастроқ бўлади.
1-жадвал