Microsoft Word Conf-селекция rtf

Изен (Kochia prostrata (L) Schrad) навлари. Чўл озуқабоп ўсимлик турлари ичида изен алоҳида 
ўрин тутади. Изен бошқа барча турлардан фарқли ўлароқ барча чорва ҳайвон турлари томонидан йилнинг 
барча мавсумларида хуш кўриб ейилади. Изен ўзига хос полиморф тур бўлиб, унинг 10га яқин экотиплари 
ажратилади. Унинг қумли чўлда, соз тупроқда, тошли-шағалли тупроқларда ва шўрхокларда ўсишга 
мослашган экологик типлари мавжуд. Ўзбекистонда унинг «Мальгузарский», «Пустынный», 
«Карнабьчульский», «Отавный», «Сахро», «Нурота», навлари, Қозоғистонда «Задарьинский», «Алма-
Атинский песчаный», Қирғизистонда, «Оргочорский позднеспелый», «Оргачорский скорспельй», 
Россияда «Левокумский», Тожикистонда «Куйканакский», Америка Қўшма Штатларида “Immigrrant”, 
“Snovstorm” навлари яратилган. Турли минтақаларда изен навлари 12-25ц/га пичан ва 1,5-2,5ц/га уруғ 
ҳосилини тўплайди. Изеннинг Ўзбекистонда яратилган навлари ёввойи популяциялардан кўп марталаб 
умумий танлаш, индивудиал гуруҳлаб танлаш, экотипик танлаш ва экотиплараро дуругайлаш усулларидан 
фойдаланиб яратилган (Балян, Эсенкулов, 1979; Абдураимов, Саиткаримов, 1979; Раббимов, 1989; 
Harrison, Walrdon et al, 2002). Изеннинг турли навлари вегетация даври 220-260 кун. «Пустинный», 
«Карнабчульский», «Отавный» навлари илдизи тупроққа чуқур кириб (7-8м) боради ва универсал типдаги 
кучли илдиз тизимини шакллантиради. 
Терескеннинг (Ceratoides ewersmanniana (Stsehegl) Grub.) “Тўлқин” нави Қирғизистондан 
олиб келинган ёввойи популяциядан кўп марталаб умумий танлаш усулида яратилган. Бўйи 70-80см 
бўлувчи, кучли шохланган, барглари кулранг, уруғлари кучли тукланган ярим бута ўсимлик. Вегетация 
даври 230-250 кун, илдизи тупроққа чуқур (6-8м) кириб борувчи универсал типда. Экин шароитида 12-
16ц/га пичан ва 2-3ц/га уруғ ҳосили тўплайди. Бошқа тур ва навларга нисбатан узоқроқ умр кўради (25-
35йил). Нав баҳорги-ёзги юқори ҳосилли яйлов агрофитоценозларини яратишда истиқболли ҳисобланади.