Microsoft Word chingiz aytmatov sohil yoqalab chopayotgan olapar lotin ziyouz com doc

www.ziyouz.com

 

кутубхонаси

 

51

to‘lqinlari, deb atayman. Siz agukuk uchgan tomonga ketyapsiz. Siz xohlagan tarafingizga yumalab 

keta olasiz-ku, axir. Aki-Milxun to‘lqinlari, ketib kolmang, yo‘ldan adashmang. Men eshkak eshib 

suzib ketar edimku-ya, lekin butunlay holdan toyganman-da. Ko‘rib turibsiz-ku, siz qayoqqa 

xohlasangiz, o‘sha yoqqa suzib ketyapman. Agar omon bo‘lsam, hamisha yodimda tutaman: siz 

O‘rxon shamoli esgan yoqqa, Emrayin yulduzi tomoniga suzyapsiz, aki-Milxunlar dengizda faqat 

yaxshilik kilishadi, deb hammaga aytaman! Menga madad bering, aki-milxunlar! Ketib qolmang, meni 

tashlab ketmang...» 

 

* * * 

 

Hamma yulduzlar orasida eng uzoq charaqlab turgani Emrayin yulduzi bo‘ldi. Tongga yaqin u 

osmonu falakda yolg‘iz o‘zi qoldi. Tongga yaqin u kuchli, sof bir nur bilan lovillab yonib turdi va 

subhidamning simobrang havosida asta-sekin so‘nib, yana ancha vaqtgacha osmonda nafis, oppoq 

nurday bo‘lib turdi. 

Mana shu zaylda tong ham otdi. Keyin dengiz uzra oftob chiqdi. Kirisk ham quvonib, ham qo‘rqib 

ketdi. Quyoshning chiqishidan quvonib ketgan bo‘lsa, dengizning bepoyonligidan qo‘rqib ketdi. Oftob 

nurlarida jivirlab, moviy tovlanayotgan dengiz deyarli qop-qora tusga kirib, cheksizligidan ko‘z 

ilg‘amas holga keldi. Bola rul eshkagiga jon-jahdi bilan yepishib olib, o‘zi eslab qolgan tomonga, 

shamolning yo‘nalishiga qarab suzishga harakat kilarli. Bu juda-juda mushkul edi... 

U boshi aylanib, ko‘zi tinib, hamma narsa chirpirak bo‘lib ketganini eslay oldi, xolos... 

Qayiq endi o‘z holicha suzib borardi...