Microsoft Word Boymur\340tov tm

7-BOB. DASTGOHNI UZLUKSIZ TURLI ARQOQ IPLARI BILAN TA'MINLASH

Ayrim to'qimalarni ishlab chiqarishda har xil rangli, chiziqiy zichlikli va

x.k.z. ko'rsatgichli arqoq iplaridan foydalaniladi. Kataksimon, ro'molchabop va
x.k.z. to'qimalar har xil rangli iplardan ishlab chiqariladi. Bunday to'qimalarni ishlab chiqarishda mokili dastgohlarda ko'p mokili mexanizmdan, mokisiz dastgohlarda esa ko'p rangli mexanizmlardan foydalaniladi. Ko'p mokili mexanizmlar moki qutisini joylanishiga qarab: 1. Bir tomonlama. 2. Ikki tomonlama bo'ladi. Mokilarni moki qutisiga joylashtirish va harakati bo'yicha aylanma (revolver) va ilgarilanma-qaytma turlari mavjud.
Bir tomonlama, 2 mokili mexanizmlar AT2-175-SH dastgohiga, bir tomonlama, 4 mokili mexanizmlar esa AT4-175-SH dastgohlariga o'rnatilgan. Ikki tomonli ko'p mokili mexanizm T-225-SH, "Tekstima" (Germaniya) dastgohlariga o'rnatilgan.
Mokisiz to'kuv dastgohlariga har xil turdagi arqoq iplari bobinalarda o'rnatilib, ularni almashtirish ko'p rangli priborlar yordamida amalga oshiriladi.