Microsoft Word aldangan aysel ziyouz com doc

Azroil bilan uchrashuvni kutyapman

Ha, men bir yo'lovchiman. Manzilim juda yaqin. Azroil bilan uchrashuv onimni, Huzuri Ilohiyga chiqishimni kutib, kun sanay boshladim. Ushbu satrlarni yozarkanman, yuragimning so'nggi kuchini sarflayotganimni bilaman. Chunki, endi turolmas, o'tirolmas edim. Namozlarimni ham ishora bilan o'qiyapman. Bu endi aniq nihoya edi. Allohning ishlariga qarang, Xojam! Qayerdan qayerga.Bu maktubni nima maqsadda boshlagandim, oxiri nima bo'ldi? Yo Rabbiy! Senga beadad shukrlar bo'lsin. O'z jonimga qasd qilish maqsadida boshlagan mojaroli maktubim meni Rabbim huzuriga keltirdi. Senga cheksiz shukrlar.

Sizdan bir iltimosim bor xojam. Siz yuzlab, minglab shigordlar tarbiyalagansiz. Bular ichida to'g'ri yo'lni topgan, iymon haqiqatlariga yetishgan o'quvchilar ko'p "Duzjalik Mehmed" kabi shahid bo'lganlari, duosi ijobat bo'lguvchi yana ko'pgina o'quvchilaringiz ham bordir. Boshqa ko'pgina tabarruk insonlarni taniysiz. Nima bo'lsa ham mening haqqimga duo qiling. Meni ham bir o'quvchingizdek qabul qiling. Modomiki, ustoz ekansiz, siz ham men uchun mas'ulsiz. Ustozlar qabrini ziyorat qilganingizda men uchun ham fotiha o'qing. Mening ham salom va duolarimni ularga yetkazing. Qur'oni karim tilovatidan keyin duo etarkansiz, bu gunohkor shogirdingizni ham ismini zikr qiling. Buni juda ham xohlayman. Nima bo'lganida ham unutmang, xojam. Bu maktub mening eng katta hisobchim, eng katta kitobim bo'ldi. Inshaalloh o'qiganlar, eshitganlar meni duo qilarlar. Inshaalloh, ular menga la'nat yog'dirishmas....

Bu maktubni yozishim ham Allohning lutfu karami bilan bo'ldi. Maktub yozish havasi meni qayerdan qayerga olib keldi-ya! Ham maktub bitdi, ham o'zim ado bo'ldim. Balki bular so'nggi satrlar, so'nggi so'zlarimdir. Tush ko'rganimdan keyin ham bir juma o'tdi. Ajalim bitmagan ekanman, tirikman. Muborak Baroat kechasiga ikki kun bor.

Chorshanba oqshomi gunohlarimga mag'firat so'rab, muboark kechada yana yolvorib, ko'zyosh to'kaman. Balki, o'sha kechani kutayotgandirman. Bu maktub sizga yetib borsa, men uchun duo etishingizni istayman.Agar yonimda bo'lganingizda edi, qo'llaringizdan o'pardim. Ammo mening o'rnimga bu maktubim qo'llaringizni o'par, Inshaalloh. Hech bo'lmaganida samimiyatimni shu tarzda qabul eting. Shubhasiz, hali Huzuri Ilohiyda Duzjalik Mehmedning sohibini taniyman. Kitoblaringizdan ko'p foydalandim. Iymonimni qo'lga kiritishim uchun katta mehnatingiz singdi. Allohdan kelganman. Unga ketyapman. Azroilga iymon bilan ruhimni topshirib, Huzuri Ilohiyga iymon ila qaytmoqchiman. Bu maktub ham iymonimga shohid bo'lsin. Allohga omonat bo'ling, xojam. Inshaalloh, sizga yana ko'p yaxshi iymonli shogirdlar tarbiyalash nasib qilsin.

Hurmat bilan qo'llaringizni o'pib qolaman.

Gunohkor shogirdingiz Aysel...