Microsoft Word al azkor ziyouz com doc

 
264-bob G‘azab kelganda aytiladigan zikrlar 
 
Alloh taolo Oli Imron surasining 134-oyatida «g‘azablarini ichlariga yutadigan» va 
Fussilat surasining 36-oyatida «Agar sizni shayton tomonidan biron vasvasa 
yo‘ldan ozdirsa, u holda Alloxdan panoh so‘rang. Zero, U eshitguvchi, bilguvchi 
Zotdir», deb aytgan. 
 
767/1. Abu Hurayradan (r.a.) rivoyat qilinadi. Rasululloh sollallohu alayhi vasallam: 
«Kurashda kuch bilan yengadigan odam kuchli emas, balki jahli chikqanda gazabini 
bosib olgan kishi kuchlidir», dedilar. Imom Buxoriy va Muslim rivoyatlari. 
 
768/2. Ibn Mas’uddan (r.a.) rivoyat qilinadi. Rasululloh sollallohu alayhi vasallam: 
«Kimni pahlavon deb hisoblaysizlar?» deganlarida, biz: «Kishilar bellasha olmaydigan 

---

Al-Azkor. Al-Faqih an-Navaviy 
 
 
www.ziyouz.com kutubxonasi 
208
odamni pahlavon, deymiz», dedik. Shunda Rasululloh sollallohu alayhi vasallam: «Unday 
emas, gazab paytida o‘z nafsiga ega bo‘lgan (gazabini bosib olgan) kishi haqiqiy 
pahlavondir», dedilar. Imom Muslim rivoyatlari. 
 
769/3. Muoz ibn Anas al-Juhaniydan (r.a.) rivoyat qilinadi. Rasululloh sollallohu alayhi 
vasallam: «Kimki gazabini sochishga qodir bo‘la turib, uni ichiga yutsa, Alloh taolo 
qiyomat kunida xaloyiq boshiga chaqirib, xohlagan hurini tanlash huquqini beradi», 
dedilar. Abu Dovud, Termiziy va Ibn Mojalar rivoyati. 
 
770/4. Sulaymon ibn Suraddan (r.a.) rivoyat qilinadi: «Rasululloh sollallohu alayhi 
vasallam bilan birga o‘tirgan edim, ikki kishi so‘kisha ketdi. Ulardan birining yuzi qizarib, 
bo‘ynidagi ko‘k tomirlari bo‘rtib chiqdi. Rasululloh sollallohu alayhi vasallam: «Men bir 
kalimani bilaman, agar o‘shani aytsa, undan bu holat ketadi. Agar u 
 
«A’uvzu billahi minash-shaytonir rojiym», (ya’ni, la’nati shaytondan Alloh nomi ila panoh 
tilayman) desa, undan mana bu holat ketadi», dedilar. Kishilar o‘sha odamning oldiga 
borib, «Rasululloh sollallohu alayhi vasallam: «La’nati shaytondan Alloh nomi ila panoh 
tila», deb aytdilar», deyishganida, u kishi: «Nima, menda jinnilik bormi?» dedi». Imom 
Buxoriy va Muslim rivoyatlari 
 
771/5. Xuddi mana shu ma’nodagi hadis Abu Dovud va Termiziyning kitoblarida 
Abdurahmon ibn Abu Laylo Muoz ibn Jabaldan (r.a.) qilgan rivoyatlarida ham bor. 
Termiziy buni mursal, deganlar. Ya’ni, Abdurahmon Muoz bilan ko‘rishmaganlar. 
 
772/6. Oishadan (r.a.) rivoyat qilinadi: «Rasululloh sollallohu alayhi vasallam huzurimga 
kirdilar. Usha paytda jahlim chiqib turgan edi. Burnimning bir tarafini ushlab tortdilar-da, 
«Ey Uvaysh (Oisha ismining qisqartmasi), 
 
«Allohumma ig‘firliy zanbiy va azhib g‘oyza qalbiy va ajirniy minash shaytoni», deb ayt», 
dedilar». (Ma’nosi: «Allohim, gunohlarimni kechirib, qalbim g‘azabini ketkaz va 
shaytondan saqlagin».) Ibn Sunniy rivoyatlari. 
 
773/6. Atiyya ibn Urva as-Sa’diydan (r.a.) rivoyat qilinadi. Rasululloh sollallohu alayhi 
vasallam: «Albatta g‘azab shaytondandir. Albatta shayton o‘tdan xalq qilingan. Ut esa 
suv bilan o‘chiriladi. Agar sizlardan biringiz g‘azablansa, tahorat qilsin», dedilar. Abu 
Dovud rivoyatlari.