Microsoft Word А. К. Ибрагимов

Jarima to’pini amalga oshirish tartibi va yo’l-yo’riqlari:

o’yinchi, jarima to’pini amalga oshirishda to’pni faqat oldinga yo’naltirishi kerak;

u zarba bergandan so’ng, to’pga boshqa o’yinchi tegmasdan

turib, ikkinchi marta tegishga xaqqi yo’k;

oyoq bilan zarba berilgandan so’ng to’p nuqtadan oldinga qarab siljisa, to’p o’yinga kirgan deb hisoblanadi.

11-metrlik jarima to’pi amalga oshirilgandan so’ng, uchrashuvning asosiy vaqti yoki jarima to’pini amalga oshirish uchun qo’shib berilgan vaqt davomida to’p darvoza to’sinlari orasidagi va darvoza ustuni ostidagi chiziqni to’liq kesib o’tsa, gol xisobga olinadi:

to’p bir yoki bir necha marta darvoza to’sinlari, ustuni yoki darvozabonga tegib darvoza chizig’ini to’liq kesib o’tadi.

Qoida buzarliklar/jazolar
Agar uchrashuv xakami 11-metrlik jarima to’pi belgilasa va to’p o’yinga kiritilgunga qadar quyidagi vaziyatlardan biri sodir etilganda qabul qilinishi kerak bo’lgan qarorlar:

11-metrlik jarima to’pini amalga oshiruvchi o’yinchi o’yin Qoidasini buzsa:

• hakam jarima to’pi amalga oshirilishi natijasini kutib turadi;
• agar to’p darvozaga kiritilsa, zarba qaytadan amalga oshiriladi;
• agar to’p darvozaga kiritilmasa, zarba qayta amalga oshirilmaydi.

Himoyalanayotgan jamoa darvozaboni o’yin Qoidasini buzsa:

• hakam jarima to’pi amalga oshirilishi natijasini kutib turadi;
• agar to’p darvozaga kiritilsa, gol xisobga olinadi;
• agar to’p darvozaga kiritilmasa, zarba qaytadan amalga oshiriladi.

Zarba beruvchi o’yinchining jamoadoshi jarima maydonchasi ichiga kirib olsa yoki darvoza chizig’iga 11 metrdan yaqinroq yoki 11-metrlik nuqtaga 9,15 metrdan
yaqinroq masofaga joylashib olsa:

• hakam jarima to’pi tepilishiga ruxsat beradi;
• agar to’p darvozaga kiritilsa, zarba qaytadan amalga oshiriladi;
• agar to’p darvozaga kiritilmasa, zarba qayta amalga oshirilmaydi.
• agar to’p darvozabon, darvoza ustuni yoki to’sinlariga tegib

maydonga qaytsa va ushbu o’yinchi to’pga tegsa, hakam o’yinni to’xtatadi va himoyalanayotgan jamoa foydasiga erkin zarba belgilaydi.