Microsoft Word 3 V 11 pechatga doc

Hujjat bo‘ylab harakatlanish.

Ekranning matn maydonida o‘chib-yonib turgan tayoqchani ko‘rish mumkin. Uning nomi kursor (ko‘rsatkich) bo‘lib, kiritiladigan matnning qaerda paydo bo‘lishini bildiradi. Kursor matn orasida bo‘lsa, odatda kiritilayotgan timsollar kursordan

Insert
keyingi timsollarni surib ulardan oldin paydo bo‘ladi, tugmasini bir
marta bossak, paydo bo‘ladigan timsollar ularning o‘ng tomonidagi timsollar

Insert
o‘rnida paydo bo‘ladi. tugmasini yana bir bor bosib, avvalgi holatga qaytish
mumkin. Agar ekranda kursor yo‘q bo‘lsa, matn maydonining zarur joyiga sichqonni olib kelib, chap yoki o‘ng tugmasini chertish kerak.
Matn odatda bir maromda kiritiladi. Lekin ba’zan matndagi xato va kamchiliklarni to‘g‘rilash uchun, matnni o‘qib chiqish yoki tahrir qilish uchun matn bo‘ylab harakatlanishga to‘g‘ri keladi.
Sichqonning tugmalari orasidagi g‘ildirakni aylantirish bilan ekrandagi matnni yuqoriga yoki pastga siljitish mumkin. Bunda matn kiritiladigan joy ko‘rsatkichi avvalgi joyida qolishini ta’kidlab o‘tish kerak. Matnni yuqoriga va pastga siljitish uchun vertikal surgichdan foydalanish mumkin. Surgichning boshi va oxiridagi va tugmalarni chertib matnni biroz pastga va yuqoriga siljitish mumkin. Matnni ko‘proq surish uchun surgichning dastagini sichqon yordamida ushlab olib, zarur yo‘nalish bo‘ylab surish mumkin. Vertikal surgich ostidagi va tugmalar matnni bir sahifaga siljitishga xizmat qiladi. Ular
orasidagi tugma yordamida siljish qadamini o‘zgartirish, masalan, keyingi yoki oldingi rasmga o‘tish mumkin.
Vertikal surgichning eng yuqorisidagi belgini sichqon bilan surib matn maydonini ikkiga ajratish va bir vaqtda matnning ikki turli joyini ko‘zdan kechirish mumkin. Bu belgini yana joyiga olib borib qo‘yib matn maydoni birlashtiriladi.
Matnda harakatlanish uchun klaviatura tugmalaridan va qo‘sh tugmalardan foydalanish mumkin. Ular quyidagi jadvalda keltirilgan.

←	Bitta timsol chapga	Ctrl+←	Oldingi so‘z boshiga
→	Bitta timsol o‘ngga	Ctrl+→	Keyingi so‘z boshiga
↑	Bir satr yuqoriga	Ctrl+↑	Oldingi abzas boshiga
↓	Bir satr pastga	Ctrl+↓	Keyingi abzas boshiga
Home	Satr boshiga	Ctrl+Home	Hujjat boshiga
End	Satr oxiriga	Ctrl+End	Hujjat oxiriga
PgUp	Bir ekran yuqoriga	Ctrl+PgUp	Bir sahifa yuqoriga
PgDn	Bir ekran pastga	Ctrl+PgDn	Bir sahifa pastga