Microsoft Word 127b2635c69e0ccce220d54f0a4d206a612d9bae85273c7ad237f9e445cb2da1

4.  Hudud ijtimoiy-iqtisodiy taraqqiyotida g’azna ijrosini samarali tashkil 

etish 

Ma’lumki,  insoniyat  rivojlanishi  tarixidagi  har  qanday mamlakat  farovonligi 

bu erda amal qilayotgan davlat qudratiga, o’z navbatida, ixtiyoriy davlatning kuch-

qudrati  esa  uning  o’z  vazifalarini  nechog’li  darajada  to’laqonli  bajarishi  bilan 

belgilanadi.  Har  qanday  tuzumda  davlat  zimmasiga  yuklanadigan  o’ta  murakkab 

vazifalar ijrosi  esa  avvalo  ulkan xarajatlar oqimini  shart  qilib qo’yadi, bu esa o’z 

navbatida daromadlar barqarorligini, shuningdek, ijtimoiy-siyosiy sharoitning turli 

omillari  tufayli  daromadlar  va  xarajatlar  tarkibida  yuzaga  keladigan  doimiy 

o’zgarishlar  evaziga  ularni  avvalo  iqtisodiy-moliyaviy  richaglar  orqali  bir-biriga 

mutanosiblashni taqozo qiladi. Iqtisodiy tarix sahifalarida daromad manbalari yoki 

hajmining  to’satdan  ko’payishi  hodisasi  emas,  xarajatlarning  kutilmaganda 

yo’nalish  va  ko’lam  nuqtai  nazaridan  o’sishi  voqeasi  aksar  hollarda  kuzatilishi 

inobatga  olinsa,  xarajatlardan  kelib  chiqib  daromadlarni  rejalashtirish  maqsadga 

muvofiq  emas  (bu  ko’pincha  soliq  va  yig’imlar  miqdori  yoki  stavkasini  oshirish 

ko’rinishidagi  taktikani  talab  qiladi),  daromadlar  o’zgarishiga  qarab  xarajatlar 

oqimini  davriy  rejalashtirib  va  boshqarib  borish  esa  ishonchliroq,  soddaroq 

aytganda,  “daromadga  qarab  buromad”  tamoyili  makon  va  zamon  omilidan 

nisbatan xoli tarzda ko’proq qo’l keladi. 

Hamma zamonlarda ham o’z davri uchun mushkul bo’lgan ijtimoiy-iqtisodiy 

muammolar  echimi,  shuningdek,  avvalgi  davlat  moliyasi  tizimining  ayrim  salbiy 

asoratlari,  geosiyosiy  vaziyat  va  boshqa  muhim  masalalar  bizning  mamlakatimiz 

taraqqiyotiga  o’z  ta’siri  mavjud  bo’lgan  hozirgi  paytda  Davlat  byudjeti  pul 

mablag’larini  samarali  hamda  o’zaro  mutanosiblikda  rejalashtirish  va  boshqarish 

borasida oqilona siyosat bir qator omillarning, jumladan, jahon iqtisodiy-moliyaviy 

inqirozining salbiy ta’siri engil kechishini ta’minlamoqda.  

Davlat  byudjetining  daromadlar  va  xarajatlar  pul  oqimini  rejalashtirishning 

asosiy  maqsadi  Davlat  byudjeti  pul  mablag’larini  boshqarish  uchun  asoslangan 

hisob-kitoblar  ko’rinishida  poydevor  bo’lib  xizmat  qilish  bo’lsa,  o’z  navbatida 

---

544 

 

Davlat  byudjeti  pul  mablag’larini  boshqarishning  maqsadlari  quyidagilardan 

iborat: 

–  byudjetlarning  daromadlar  va  xarajatlari  o’rtasidagi  vaqtinchalik  kassa 

uzilishlarini operativ bartaraf etish; 

–  byudjetdan  mablag’  oluvchilarning  xarajatlar  to’lovini  o’z  vaqtida  amalga 

oshirish; 

–  hududiy  (respublika)  g’azna  hisobvaraqlari  (HG’H  (RG’H))dagi  pul  mab-

lag’laridan samarali foydalanish.