Microsoft Word 127b2635c69e0ccce220d54f0a4d206a612d9bae85273c7ad237f9e445cb2da1

Markaziy bankining vakolatlariga quyidagilar kiradi: 

 •  xorijdan  mablag’  jalb  qilish  masalalari  bo’yicha  xalqaro  moliya 

tashkilotlari bilan muzokaralar olib borish;  

---

715 

 

• O’zbekiston Respublikasi tomonidan kafolatlanmagan xorijdan mablag’ 

jalb qilish to’g’risidagi shartnomalarni ro’yxatga olish;  

•  xorijdan  mablag’  jalb  qilishga  doir  operatsiyalarni  hisobga  olish  va 

kuzatib borish;  

• umumiy tashqi qarzning hisobini yuritish;  

• davlat tashqi qarzlariga hisob-kitob-bank xizmati ko’rsatilishini tashkil 

etish;  

•  O’zbekiston  Respublikasi  tomonidan  kafolatlangan  xorijdan  jalb 

qilingan  mablag’larga  hisob-kitob-bank  xizmatlari  ko’rsatish  yuzasidan 

vakolatli banklarga agentlik vakolatlarini berish;  

• xorijdan mablag’ jalb qilish bo’yicha ma’lumotlar bazasini yaratish; 

 • Vazirlar Mahkamasiga rezidentlarning tashqi qarzi bo’yicha axborotlar 

taqdim etish; 

 • qonun hujjatlariga muvofiq boshqa vakolatlar. 

         Davlat  tomonidan  ichki  va  xorijdan  mablag’  jalb  qilishda  qarz 

majburiyatlarining quyidagi turlaridan foydalanilishi mumkin : 

1) qisqa muddatli  (bir yilgacha bo’lgan davrga  chiqariladigan), o’rtacha 

muddatli  (bir  yildan  besh  yilgacha  bo’lgan  davrga  chiqariladigan)  va  uzoq 

muddatli (besh yildan ortiq davrga chiqariladigan) davlat qimmatli qog’ozlari   

2) kreditlar ; (qisqa muddatli, o’rtacha muddatli va uzoq muddatli);  

3) O’zbekiston Respublikasining kafolatlari;  

4) byudjet daromadlari bilan xarajatlari o’rtasidagi vaqtinchalik tafovutni 

qoplash uchun qisqa muddatli ssudalar. 

       Davlat  zayomlari  ixtiyoriy  hisoblanadi.  Davlat  zayomi  shartnomasi 

bo’yicha  zayom  oluvchi  –  davlat,  zayom  beruvchi  –  fuqaro  yoki  yuridik 

shaxsdir.  

       Davlat  tomonidan  qarz  olish  jarayonida  hukumat  yoki  uning 

vakolatli  organi  bank,  moliya  tashkilotlari  bilan  davlat  qarziga  xizmat 

ko’rsatuvchi  agentlar  funktsiyasini  bajarish  va  davlat  qarzlari  bo’yicha  o’z 

vaqtida  va  to’g’ri  hisob-kitob  qilinishini  nazorat  qilish  bo’yicha  shartnomalar 

---

716 

 

imzolashi  mumkin.  Davlat  qarzi  nominal  qiymat  bo’yicha  baholanadi,  chunki 

qarz to’lov muddati kelganda to’lanmagan majburiyatlarning summasidir. Qarz 

– harakat (oqim) emas, balki holat (zaxira)dir, chunki u ma’lum bir qayd etilgan 

muddatga  baholanadi,  ma’lum  bir  davrda  uning  o’zgarishi  esa  (muddatlar 

o’rtasida)  sof qarz  (qarz minus  qoplama) olish  evaziga  sodir bo’ladi.  Tarkibiy 

jihatdan qarz asosiy va qoplanmagan (joriy) qarzdan tashkil topib, unga asosiy 

qarzdan tashqari qarz summalarining foizlari ham qo’shiladi.