Microsoft Word àñîñèéòåõ10. doc

 Bir bosqichli bug`latish
 
Bir bosqichli bug`latish jarayoni bitta korpusli qurilmada olib boriladi (22.1-rasm). Markaziy 
sirkulyatsiya quvuri bo׳lgan uzluksiz ishlaydigan bug`latish qurilmasining ishlash tamoyilini ko׳rib 
chiqamiz. Qurilma asosan isitish kamerasi va separatordan tashkil topgan. 22.1-rasmda tasvirlangan 
shaklda isitish kamerasi va separator bitta qurilmada joylashgan. Isitish kamerasi separatordan alohida 
joylashgan bo׳lishi ham mumkin. Bunda isitish kamerasi va separator quvur orqali birlashgan bo׳ladi. 
Kamera odatda to׳yingan suv bug`i bilan isitiladi. Bug` quvurlar tashqarisidagi bo׳shliqqa kiradi, bu 
erda, kondensatsiyalanish jarayoni yuz beradi va ajralib chiqqan issiqlik quvur devorlari orqali eritmaga 
beriladi. Hosil bo׳lgan kondensat kameraning pastki qismida joylashgan patrubka orqali tashqariga 
chiqariladi. 
Bug`latilayotgan eritma isitish quvurlari orqali yuqoriga ko׳tariladi, bunda eritma qaynaydi, natijada 
ikkilamchi bug` hosil bo׳ladi. Separatorda bug` suyuqlikdan ajratiladi. Suyuqlik tomchilaridan ajralgan 
ikkilamchi bug` separatorning yuqorigi qismidan tashqariga chiqariladi. Suyuqlikning bir qismi 
markaziy sirkulyatsiya quvuri orqali qurilmaning pastki qismiga tushadi. Markaziy quvurdagi suyuqlik 
eritma va isitish quvurlari ichidagi bug`-suyuqlik emulsiyasi zichliklari o׳rtasidagi farq ta’sirida uzluksiz 
ravishda sirkulyatsiya bo׳lib turadi. Quyuqlashtirilgan eritma qurilmaning pastki qismida joylashgan 
patrubka orqali tashqariga chiqariladi. 
Ayrim bug`latish qurilmalarida markaziy sirkulyatsiya quvuri bo׳lmaydi. Bug`latish jarayoni vakuum 
ostida olib borilsa, ikkilamchi bug` vakuum-nasos yordamida kondensatorga so׳rib turiladi. 

---

 
82