Microsoft Word 06 Agrar siyosat va oziq ovqat xavfsizligi

Tuproq unumdorligi / Soil productivity / Продуктивность почвы – tuproqning mahsulot berish qobiliyati. Unumdorlikning tabiiy, sun’iy va iqtisodiy turlari mavjud. Tuproqning tabiiy unumdorligi – inson aralashmasdan hosil berish qobiliyati. Bu unumdorlik insonning mehnati bilan vujudga kelmagan. Uni tabiat yaratgan. Sun’iy unumdorlik – inson mehnatining mahsuli. Iqtisodiy unumdorlik tuproqning tabiiy va sun’iy unumdorligining yig’indisidir.
Ustav fondi / Churter fund / Уставный фонд - korxonalar faoliyatini ta’minlash uchun ta’sischilar tomonidan dastlab kiritiladigan va keyinchalik ko’paytirib borish mumkin bo’lgan, hajmi korxonaning ustavida belgilab qo’yiladigan mablag’. Shirkat xo’jaliklarida pay fondi va bo’linmas fonddan iborat bo’ladi.
Xarajatlar / Expenses / Затраты - hisobot davrida aktivlarning kamayishi yoxud majburiyatlarning ko’payishi.
Qishloq xo’jalik kooperativi (shirkat xo’jaligi) / collective farm / Колхоз – tovar qishloq xo’jalik mahsuloti yetishtirish uchun pay usulga va asosan oila (jamoa) pudratiga, fuqarolarning ixtiyoriy ravishda birlashishiga, boshqarishning umumiyligiga asoslangan, yuridik shaxs huquqiga asoslangan mustaqil xo’jalik yurituvchi subekt.
Qo’shimcha ish haqi / Extra wage / Дополнительные заработной платы – qo’shimcha mehnat sarf qilish, ish jarayonlarini takomillashtirish orqali qo’shimcha yetishtirilgan mahsulot yoki yuqori sifatli mahsulot hamda shu mahsulotlarni yetishtirish uchun xarajatlarni tejash evaziga to’lanadigan ish haqi.
Chorvachilik tizimi / Livestock system / Система животноводство - chorva mollari sonini o’stirish va sifatini yaxshilash, maxsuldorligini muntazam oshirib borish hamda mahsulot birligiga qilinadigan xarajatlarni kamaytirish, umuman, chorva mollari va chorvachilik vositalaridan maqsadga muvofiq foydalanish orqali uni eng samarali tarmoqqa aylantirishni ta’minlaydigan tashkiliy-iqtisodiy, texnologik va texnikaviy tadbirlar yig’indisi.
Favqulodda daromad (zarar) / Extraordinary income / Внереализационные доходы - xo’jalik yurituvchi subektning odatdagi faoliyatidan aniq farq qiladigan, ya’ni tez-tez yoki muntazam sodir bo’lmaydigan voqyealar yoki bitimlar natijasida yuz bergan daromadlar yoki xarajatlar.