Microsoft Word 05 Kishlok xujalik mahsulotlar sifati va marketingi

1. Standartlashtirish va sifatni taʻminlash tizimini takomillashtirish yoʻllari 
 
Rivojlangan mamlakatlar tajribasi shuni koʻrsatadiki, mamlakatda standartlashtirishni muntazam 
ravishda rivojlantirib va takomillashtirib borilishi aholi sogʻligi, uning mol-mulki va atrof-muhitni har 
qanday  salbiy  taʻsirlardan  himoya  qilishda  va  aholining  moddiy  hamda  maʻnaviy  farovonligini 
oshirishida  muhim  ahamiyat  kasb  etar  ekan.  Haqiqatdan  ham  standartlashtirish,  yuqorida  koʻrsatib 
oʻtilganidek, mahsulot (xizmat)ning aholi hayoti, sogʻligi, mol-mulki va atrof-muhit uchun xavfsizligini 
taʻminlashda,  savdo-iqtisodiy  va  ilmiy-texnik  hamkorlikda  uchraydigan  texnik  toʻsiqlarni  bartaraf 
etishga hamda mamlakatimizda ishlab chiqarilayotgan mahsulotlar va koʻrsatilayotgan xizmatlarni ichki va 
tashqi  bozorlarda  raqobatbardoshligini  oshirishga  qaratilgan  eng  samarali  vosita  hisoblanadi.  Demak, 
standartlashtirish va sifatni taʻminlash tizimlarini rivojlantirish va takomillashtirish ham muhim ahamiyatga 
ega  ekan.  Shu  sababli  «Oʻzdavstandart»  markazi  va  uning  vorisi  boʻlgan  «Oʻzstandart»  agentligi, 
vazirliklar,  standartlashtirish  boʻyicha  texnik  qoʻmitalar,  tayanch  tashkiloltlar  respublikamizda  milliy 
standartlashtirish tizimini barpo etish va standartlashtirish infrastrukturasini shakllantirish boʻyicha maʻlum 
darajada ishlarni amalga oshirib kelmoqda. Buning natijasida respublikamiz va xalqaro tajribaga asoslangan 
standartlashtirishni boshqarishning oʻziga xos modeli yaratildi. 
Mamlakatda milliy standartlashtirish va sifatni taʻminlash tizimlarini isloh qilish 1997 yildan boshlangan 
va u Oʻzbekiston hamda Jahon savdo tashkiloti bilan savdodagi texnik toʻsiqlar boʻyicha tuzilgan bitim bilan 
bevosita  bogʻliq.  Isloh  qilishning  asosiy  mahsadi  esa,  respublikamizni  Jahon  Savdo  Tashkilotiga  teng 
huquqli aʻzo boʻlib kirishiga tayyorlashdan iborat. 
Shu  narsani  alohida  taʻkidlab  oʻtish  joizki,  Evropa  ittifoqi  eksperti  oʻzining  hisobotida 
respublikamizning  standartlashtirish  boʻyicha  qonunlari  Jahon  Savdo  Tashkiloti  (JST)  va  Evropa 
ittifoqining  qonunlariga  toʻliq  muvofiqlashtirilmaganligi  koʻrsatib  oʻtilgan.  Shuning  uchun 
respublikamizning amaldagi qonunlariga JSTning asosiy tamoyillari va meʻyoriy hujjatlaridagi farqlarni 
hisobga olgan holda oʻzgartirishlar kiritilishi kerakligi taʻkidlab oʻtilgan. 
Hozirgi  kunda  Yevropa  ittifoqi  ekspertining  koʻrsatib  oʻtgan  kamchiliklari  boʻyicha 
respublikamizning  amaldagi  qonunlariga  standartlashtirish,  sertifikatlashtirish  tizimlarining  asosiy 
qoidalariga qoʻshimchalar kiritilgan. 
Standartlashtirish  va  sifatni  taʻminlash  tizimlarini  takomillashtirish  xalqaro  savdodagi  toʻsiqlarni 
bartaraf  etish, mamlakat  eksport  imkoniyatlarini  kengaytirish, xalqaro  standartlarni  qoʻllash va ularning 
talablariga  muvofiq  ishlab  chiqarilayotgan  mahsulotning  jahon  bozorida  raqobatbardoshligini  oshirish 
uchun shart-sharoitlar yaratib beradi. 
Demak, mamlakatimizda ishlab chiqarilayotgan mahsulotning raqobatbardoshligini oshirishda 
xalqaro standartlar bilan bir qatorda milliy standartlashtirish boʻyicha meʻyoriy hujjatlarni yetakchi chet 
el  mamlakatlarining  meʻyoriy  hujjatlari  bilan  ham  oʻygʻunlashtirishni  taqoza  etadi.  Buning  uchun 
«Oʻzstandart»  agentligi  xalqaro  va  yetakchi  chet  el  mamlakatlarining  standartlashtirish  tashkilotlari  bilan 
standartlarning  qoʻllanilish  qonuniyligi  va  ularga  kiritiladigan  oʻzgartirishlarni  bir-biriga  muntazam 
ravishda taqdim etilishi toʻgʻrisida ikki va koʻptomonlama bitimlar tuzishi kerak boʻladi.