Microsoft Word 05 Kishlok xujalik mahsulotlar sifati va marketingi

«Kompaniya ishi = mijoz kutadigan natijalar» 
Umumlashtirishning  pastroq  darajasida  firmaning  aniqroq  miqdoriy  va  sifatiy  maqsadlari 
haqida gapirish mumkin. Firmaning sifatiy maqsadlari, odatda, firmaning obroʻ-eʻtiborini oshirishga 
yoʻnaltirilgan, uning ijtimoiy muhimligini kuchaytiradi. Ular quyidagilardan iboratdir: 
1. Mashhurlikni oshirish. 
2. Yuqori imijga erishish. 
3. Bandlikka, mehnat bozoriga ijobiy taʻsir koʻrsatish. 
4. Taʻlim, sport, madaniy va boshqa tadbirlarni qullab-quvvatlash. 
Miqdoriy maqsadlarga quyidagilarni kiritish mumkin: 
5. Foydaning hajmi. 
6. Sotilishlar hajmi. 
7. Bozor ulushining oshishi. 
8. Barqarorlikni taʻminlash. 

---

9. Xarajatlarni kamaytirish. 
10. Mehnat unumdorligi. 
Miqdoriy  maqsadlarning  tanlanishi  va  tartibga  solinishini  soddalashtirib,  biznes  sohasida 
quyidagi hikmat paydo boʻldi: «Firmaning maqsadini tanlash — bugun yuqori foyda olish yoki ertaga 
yuqori bozor ulushiga ega boʻlish orasida tanlashdan iborat». 
Bu  ifoda  mantiqqa  va  iqtisodiy  maʻnoga  ega  boʻlsa  ham,  u  muammoni  haddan  tashqari 
osonlashtirib yuboradi. 
Shunday  qilib,  firmaning  maqsadi  —  u  pirovard  natijada  nimaga  erishmoqchi,  vazifalari  — 
qoʻyilgan maqsadga erishish uchun nima qilishi kerak. Amalda marketing quyidagi asosiy vazifalarni 
hal qilishga moʻljallangan: 
1. Mavjud yoki potensial talabni aniqlash yoʻli bilan u yoki bu mahsulot (tovar, xizmat)ni ishlab 
chiqarish zaruriyatini asoslash. 
2. Xaridorlar talabiga javob beruvchi mahsulot modellarining nusxalarini yaratish boʻyicha 
ilmiy tadqiqot (IT) va tajribaviykonstruktorlik ishlari (TKI)ini tashkil etish. 
3.  Korxonaning  ishlab  chiqarish,  sotish  va  moliyaviy  faoliyatini  tartiblashtirish  va 
rejalashtirish. 
4. Tovarlarni sotish usullarini takomillashtirish. 
5. Ishlab chiqarish va sotish sohasida firmaning bosh maqsadlariga erishish uchun uning butun 
faoliyatini,  shu  jumladan,  transportirovka,  oʻrash,  sotish,  reklama,  texnik  va  servis  xizmat 
koʻrsatishning operativ boshqarilishini tartiblashtirish va yoʻnaltirish.