Microsoft Word 03 Kishlok xujaligida buxalteriya xisobi va solikka tortish \

12.8. Dargumon qarzlar bo‘yicha rezervlar hisobi 

Dargumon qarz - bu korxonaga o‘z vaqtida kelib tushmagan yoki kelib tushishi bo‘yicha 

kafolat bilan ta’minlanmagan debitor qarzlar. Dargumon qarzlar bo‘yicha rezervlar hisobot davri 

oxirida  korxona  debitor  qarzlari  bo‘yicha  o‘tkazilgan  inventarizatsiya  natijalari  asosida  tashkil 

etiladi.  Tashkil  etiladigan  rezerv  summasining  miqdori  qarzdorning  moliyaviy  holatiga  bog‘liq 

ravishda  va  qarzning  qisman  yoki  to‘liq  kelib  tushish  ehtimolini  inobatga  olgan  holda  har  bir 

qarzdor bo‘yicha alohida aniqlanadi. 

Dargumon  qarzlar  bo‘yicha  rezervlar,  odatda,  korxona  foydasi  hisobidan  tashkil  etiladi. 

Ushbu turdagi rezervlar O‘zbekiston Respublikasi qonunchiligiga asosan tashkil etiladi. 

Dargumon  qarzlar  bo‘yicha  rezervlar  hisobini  yuritishda  4910-«Dargumon  qarzlar 

bo‘yicha  rezervlar»  hisobvarag‘idan  foydalaniladi.  Ushbu  hisobvaraq  kontraktiv  bo‘lib,  uning 

kreditida rezervni tashkil etish muomalalari aks ettirilsa, debetida undan foydalanish ko‘rsatiladi. 

 Dargumon  qarzlar  bo‘yicha  rezervlar  summasi  tashkil  etilganida  quyidagicha  provodka 

beriladi: 

D-t 9430-«Boshqa operatsion xarajatlar» 

K-t 4910-«Dargumon qarzlar bo‘yicha rezervlar». 

Dargumon  qarzlar  bo‘yicha  rezervlar  hisobi  11,  12,  15-jurnal-orderlarda  va  16-

qaydnomada yuritiladi.