Microsoft Word 03 Kishlok xujaligida buxalteriya xisobi va solikka tortish \

11.3.4. Kartoshka, sabzavot va poliz ekinlari mahsulotlarining tannarxini hisoblash 

O‘simlikchilik tarmog‘ining oziq-ovqat mahsulotlari orasida kartoshka, sabzavot va poliz 

mahsulotlari alohida ahamiyatga ega. Ushbu mahsulotlarning ma'lum qismi yangiligicha iste'mol 

qilinadi. Sabzavotlarning katta qismi konsyervalash, quritish, tuzlash va boshqa yo‘llar bilan qayta 

ishlanadi. 

Kartoshkaning  tannarxini  hisoblash  uchun  jami  qilingan  xarajatlardan  kartoshka 

palagining  normativ  qiymati  chegirib  tashlanib,  qolgan  summa  olingan  standart  va  nostandart 

mahsulotlar o‘rtasida. ularning sotish bahosi bo‘yicha aniqlangan qiymatiga mutanosib taqsimlash 

yo‘li bilan aniqlanadi. Masalan,fermer xo‘jaligida kartoshka yetishtirish uchun 1242000 so‘mlik 

xarajat  qilingan.  Kartoshka  palagining  normativ  qiymati  22000  so‘m.  Standart  va  nostandart 

kartoshkaga  taqsimlanadigan  xarajat  summasi  1220000  so‘m.  1  sentner  standart  va  nostandart 

kartoshka tannarxini hisoblash quyidagi amalga oshiriladi (6.1-jadval).