Microsoft office programmasi

Formanin’ basqa basqariw elementleri

Formani du’ziwde basqariw elementleri og’an qoldan jobalastiriwg’a qolayli etip jaylastiradi. Formanin’ du’zilgen basqariw elementi Format > Virovnyat (tegislew) komandalari ja’rdeminde tegislenedi. To’mende u’stingi jaziw ha’m Maydansha basqariw elementlerinen basqalari berilgen:

1. Ajiratqishlar (Pereklyushateli). Onin’ menen filterlewdi orinlawshi komandani baylanistiriw mu’mkin.

2. Jalawshalar (Flajki). Ajiratqishqa uqsas isleydi, biraq onnan ayriqsha ko’p tan’lawg’a ruqsat etedi. Mag’liwmatlar saralaw rejimin basqariw ushin qolayli.

3. Dizim (Spisok). Tayinlang’an ma’nisler jayinan turadi yamasa bir tablitsadan berilgen maydanshanin’ ma’nislerinen turadi. Mag’liwmatlardi kiritiw emes, al olardin’ diziminen tan’lanadi.

4. Dizimli maydansha (Pole so spiskom). Dizimdey qollaniladi, biraq formada az orin aladi, tek ashiwshi tu’ymeni shertkennen keyin dizim ashiladi.

5. Komandali tu’ymeler (Komandnie knopki). Ha’r bir maydanda bir paydali komanda boladi. Misali, jaziwdi izlew komandasi, jaziw araliq o’tiw ha’m t.b. lar.

6. Qalaw (Vkladki). SHegaralang’an maydanda ko’p informatsiyani jaylastiradi. Qalawda basqa basqariw elementleri jaylasadi.

7. OLE ob’ekti maydanshasi (Pole ob’ekta OLE) WINDOWS konseptsiyasinda baylanisiw ha’m engiziw ob’ektlerine sa’ykes qabillang’an sirtqi ob’ektlerdi jaylastiriw ushin xizmet etedi. Illyustratsiya, fotografiya, video jaziw, muzikali fragment ha’m dawisli xabarlar ob’ekt boladi.