Microsoft office programmasi

Animatsion effektler

Animatsiya — bul, ob’ektler, kameralar, jarıqlıq dereklerin o’zara ornın almashtiriw yaki olardın’ parametrlerin waqıt boyınsha o’zgeriwine iye bolg’an wazıypa yaki tapsırmalar. Ha’zirgi payıtta kompyuterli grafika qurılmaların qollawdın’ usı tarawı kushli rawajlanıwdı bastan keshirmekte. Animatsion grafika o’zinde ren’, ko’rinis ha’m illyustrativ grafika (mashinalıq ko’rinisler, illyustrativ tekstler, sızılmalar, eskizler ha’m basqalar) menen isley alıw imkaniyatına iye.

Televizorımız ekranında ha’r ku’ni tamasha qılatgın reklama klipleri, tu’rli multfilmlerdin’ ko’pshiligi a’ne usı animatsion grafika tiykarında jaratılg’an. Misal ushın Wolt Disney studiyası ta’repinen bunnan 50 jıl aldın jaratilg’an «Aqqız ha’m jeti gnomlar» multfilmi birinshi animatsion lenta bolg’an. Yaki usı kompaniya ta’repinen jaratilg’an «Sahibjamal ha’m maqluq» mult­filmin ko’pshiligin’iz tamasha etkensiz.

Animatsion effektlerdi qollaw ushın formatlaw u’skeneleri panelindegi tu’ymesi basıladı. Na’tiyjede to’mendegi «Effektı animatsiy» u’skeneler paneli payda boladı.

Usı u’skeneler panelindegi tiykarg’ı elementler menen tanısıp shıg’amız.

1. Zagolovka animatsiyası. Bunda animatsiya atı jazıladı.

2. Slayd tekstlerinin’ animatsiyası. Tekst jazılg’an barlıq slaydlardı ekranda ko’rsetedi.

3. Kiriw effekti. Bul piktogrammag’a mısh ko’rsetkishi keltirip basılg’anan son’, ko’rsetiw ekranında belgilerdin’ shıg’ıw tezlikleri payda boladı. Yag’niy, belgilerdin’ izbe-iz ta’rtipte shıg’ıwı ta’miynlenedi.

4. O’shiw effekti. Belgilerdin’ ko’rsetiw ekranında izbe-iz o’ship tu’siwin tamiynleydi.

5. Kamera effekti. Prezentatsiya slaydının’ ko’rinisin tamiynleydi.

6. Partlaw effekti. Bunda slaydqa jazılg’an informatsiyalarnın’ ekranda bir ma’rte payda bolıp, jog’alıw jag’dayı ta’miynlenedi.

7. Lazerli effekt. Slaydtag’ı jazıwlardın’ o’shiw tezligin ha’m tu’rli ta’replerden o’ship tu’siw parametrlerin o’zgertiw piktogramması.

8. Jazıw mashinkası animatsiyası. Bunda kiritilgen belgiler endi jazılıp atırg’an jazıw mashinkasındag’ı kibi payda boladı.

9. O’tip tu’siriw effekti. Bunda jaratilg’an slaydtag’ı belgiler bir tu’yme basılg’ansha jasırınıp turadı.

10. Animatsiyalardı sazlaw. Bul piktogramma animatsiyalar parametrlerin o’zgertiw ushın xızmet qıladı.

Esletpe: Animatsion effektte islew ushın:

• animatsion effekt qollanıwı kerek bolg’an ob’ekt belgilenedi;

• tan’lang’an animatsion effekt tu’ymeshe (piktogramma)sı basıladı.