Microsoft office programmasi

«Vstavka»— «Risunok»— «İz fayla» buyrıqları tan’lanadı. Na’tiyjede, ekranda u’skeneler paneli payda boladı. Bul panel «Nastroyka izobrajeniya» paneli bolıp, ol arqalı su’wretti ko’shiriw, boyaw, ramka o’tkeriw, su’wret kontrastin tuwrılaw mu’mkin. Su’wretti skaner arqalı kiritiw: bunın’ ushın «Vstavka» menyuinde «Risunok» keyin «So skanera» buyrug’ı tan’lanadı. Su’wret «MS PHOTO EDITOR» da ashıladı ha’m onı o’zgertiw mu’mkin boladı.

Prezentatsiyag’a su’wret qoyılıp, onı o’zgertiw, ma’selen, shegara ren’lerin o’zgertiw, ayrıqsha fragmentler ornın o’zgertiw, bir neshe su’wretlerdi birlestiriw mu’mkin.

Tablitsalar kiritiw. Power Point programmasında basqa programmalardag’ı kibi tablitsa ko’rinisindegi mag’lıwmatlardı da kiritiw ha’m onı redaktorlaw mu’mkin. Bul standart u’skeneler panelindegi to’mendegi piktogrammalar ja’rdeminde a’melge asırıladı, yag’niy:

• (MS Word) yaki (MS Exsel) tu’ymesheler  (piktogrammalar) den birin tan’lap basıladı;

• tablitsanın’ kerekli bag’ana ha’m qatar parametrleri tan’lap alınadı ha’m ekranda payda bolg’an tablitsag’a sanlı ha’m tekstli ma’nisler kiritiledi;

• tablitsag’a o’zgerisler kiritiletug’ın bolsa tablitsa aktivlestiriledi, yag’niy mısh ko’rsetkishi tablitsa ko’rinisi u’stinde eki ma’rte basıladı.

Tablitsa menen islewdi tamamlaw mısh ko’rsetkishi arqalı a’melge asırıladı.

Diagrammalardı kiritiw

• Diagrammanı kiritiw ushın za’ru’r bolg’an slaydlar ulıwma ko’rinisindegi diagrammalar menen islew slaydları tan’lanadı.

• tu’ymesheni basın’ ha’m kerekli ko’rinistegi diag rammanı tan’lan’. Parametrlerdi ornatın’ ha’mde ma’nislerdi kerekligishe o’zgertin’.

• Diagramma u’lkenligin o’zgertin’ ha’m kerekli orıng’a ornatın’.

Su’wret sızıw

Su’wret sızıw Word tag’ı kibi a’melge asırıladı. Tiykarg’ı parqı sonda, Power Point qosımsha grafik element ishine tekst jazıw ha’m olardı qa’legen mu’yeshke aylandırıw imkaniyatın beredi.

Power Point ta ja’ne «Avtofigurı» degen imkaniyatlar bar. Bul imkaniyattan paydalang’anda sarı rombg’a a’hmiyet berin’.

Su’wret sızıw ushın arnalg’an tu’ymesheler shep ta’reptegi «Risovanie» ha’mde «Risovanie +» panellarine jaylasqan.

Slaydlardı ko’shiriw, nusqa alıw ha’m qayta takirarlaw

Jaratılıp atırg’an prezentatsiyag’a sarp etiletug’ın waqıttı:

• tayar slaydlardı ta’kirarlaw;

• basqa prezentatsiyag’a jaratilg’an slaydlardı ko’shiriw yaki nusqa alıw arqalı tejew mu’mkin.

Bir prezentatsiyada slaydlardı qayta ta’kirarlaw

1. Qayta ta’kirarlanatug’ın slaydtı belgilen’.

2. «Vstavka» menyuindegi «Dublirovat slayd» buyrıg’ın tan’lan’.

Basqa prezentatsiyag’a slaydlardıi ko’shiriw

1. Sol ha’mde slayd ko’shirilip atırg’an prezentatsiyalardı shın’ ha’m «Slaydlardı tan’law »rejimine o’tin’.

2. Eki slaydtı bir aynada qatar ko’rsetiw ushın «Okno» menyuinde «Uporyadochit vse» buyrıg’ın tan’lan’.

3. Tan’lang’an slaydtı bir prezentatsiyadan ekinshisine alıp o’tin’.

Basqa prezentatsiyag’a slaydlardan nusqa alıw

1. Basqa prezentatsiyada nusqası o’keriletug’ın slaydlardan aldın turıwshı slaydtı belgilen’.

2. «Vstavka» menyuindegi «Slaydı iz faylov» buyrıg’ın tan’lan’.

3. Nusqası o’tkeriletu’ın slaydlar turg’an prezentatsiya tanın’ ha’m onı belgilen’.

4. Nusqası o’tkeriletu’ın slaydları belgilen’ ha’m «Vstavit» tu’ymesin basın’.

Slaydlardı o’shiriw

1. O’shiriliwi kerek bolg’an slaydtı belgilen’.

2. «Pravka»menyuindegi «Udalit slayd» buyrıg’ın tan’lan’.