Мезофит,ксерофит астрагалларни урганиш A. ispahanicus Boiss

Мезофит ,ксерофит астрагалларни урганиш

A.ispahanicus Boiss– исфағон астрагали. Юқори адир ҳудудларида учрайдиган кўп йиллик ўт. Ўқ илдизи - 85-120 см келади. Пояси майин, сийрак тукчалар билан қопланган бўлиб, тик ўсувчидир. Бўйи 25-35 см баландликгача бўлади . Бир туп ўсимликда ўртача 2-2,5 донагача ён новдалар шаклланади. Барглари мураккаб тоқ патсимон. Битта бандда 11-15 тагача япроқчалар жойлашган бўлади. Барг япроқчасининг катталиги 13,5-14,5 мм. Япроқчаларининг устки қисми туксиз, остки томони майин, сийрак оқиш тукчалар билан қопланган. Гули пушти тусда бўлиб, сийрак ҳолда шингилда жойлашади. Гулкосасининг катталиги 9,5-10 мм, гултожибаргиники эса 17,5-18,5 мм. Уруғчи катталиги 13-13,5 мм. 10 та чангчидан иборат андроцей гинецей атрофида жойлашган бўлиб, ўртача 13,5-14 мм атрофида бўлади. Чангланишда аллогамия кузатилади.
М
еваси дуккак бўлиб, туксиз чўзинчоқ ва ўзига хос учқиррали бўлади. Дуккаги бўйига 24-25 мм ва энига 3,5 мм тенг. Уруғи овал-буйраксимон шаклда бўлиб, қўнғир қорамтир - жигар ранг тусда. Уруғининг узунлиги 2,0 мм, эни 1,5 мм. Мева ва уруғларининг тарқалишида асосий ролни зоохория ўйнайди.
Гемикриптофит, ксеромезофит. Қимматбаҳо ем-хашак ўсимлиги ҳисобланади. Помир-Олой тоғ тизмаси тоғолди минтақаси бўйлаб кенг тарқалган.

A. turkestanus Bunge-Тур кўп йилик ҳисобланиб, 8-12 тагача кучли ривожланган I-тартибли новдаларга эга ўсимлик. Кўп йиллик. Ўқ илдизи 85-100 см узунликда. Мураккаб барглари 12-19 см узунликда бўлиб, тоқ патсимон. Баргларида 15 тадан 28 тагача япроқчалар мавжуд. Япроқчаларининг шакли чўзиқ овалсимон ёки чўзиқ эллипсимон, устки қисми туксиз, аксинча пастки қисми эса туклар билан қопланган. Катталиги 6-12 мм. Тўпгули 2-5 гулли. Тожибаргларининг ранги сариқ. Дуккамевасининг узунлиги 12-18 мм, эни 5-7 мм. Ўсимлик дуккаги 2 тадан 4 тагача уруғлар сақлайди. Уруғлари чўзиқ буйракчасимон, 3,5 мм узунликда бўлиб, жигаррангдир.

Гемикриптофит, мезоксерофит.
A.nuciferus Bunge-Ўсимликнинг бўйи 45-65 см гача етадиган, кучли ривожланган ҳамда тукланган поялари мавжуд кўп йиллик ўт. Ўқ илдизи –65-90 см узунликда. Барглари мураккаб барг бўлиб, 12-18 см катталикда. Баргларида 6-10 тагача жуфт япроқчалари мавжуд. Барг япроқчаларининг шакли чўзиқ эллипсимон бўлиб, бўйи 1,5-3,5 см узунликда, ҳамда 1-1,5 см энликдадир. Япроқчаларнинг устки қисми туксиз, остки қисми эса аксинча, туклангандир.
Ўсимлик турининг тўпгули шингилсимон бўлиб, гултожибаргларининг ранги оқ, айрим холларда оқиш сиёҳ ранг.
Дуккак меваси 3,5- 6 см узунликда ва 1,5- 2 см энликда бўлади. Майин оқиш тукчалар билан қопланган. Ўсимликнинг уруғлари шакли буйраксимон, қўнғир жигарранг тусда бўлиб, катталиги 5-6 мм ни ташкил этади.
Гемикриптофит, мезоксерофит.
Тоғ олди ҳудудлардаги тошлоқли
кенг тарқалган.