Мева-сабзавотларни етиштириш, қайта ишлаш ва сотишнинг маркетинг стратегиясини ишлаб чиқиш 1

маркетинг стратегиясини ишлаб чиқиш»
 
92 
Етказиб беришга тайёрлик – етказиб берувчининг буюртмани аввалдан 
келишилган вақт давомида бажара олиш қобилияти. 
Корхонанинг мослашувчанлиги – корхонанинг мижоз томонидан аввал 
расмийлаштирилган буюртмага ўзгартириш киритилганда оператив равишда 
ўзгартиришлар киритишга тайёргарлиги. 
Етказиб беришнинг сифати – буюртмачи билан келишилган талабларнинг 
бузилмасдан бажарилган буюртмаларининг улуши.
Корхонанинг ахборот алмашиниш бўйича тайёргарлиги – мижозга 
маҳсулотни характерлайдиган тўлиқ маълумот беришга тайёргарлиги. 
Логистика цикли – товар ва ишлаб чиқариш воситаларини етказиб бериш 
буюртмаси билан буюртма берилган маҳсулотни истеъмолчи омборхонасига 
етказиб бериш ўртасидаги вақт оралиғи. Логистика цикли умумий ҳолда вақт 
оралиғининг қуйидагиларга сарфланган йиғиндисини ифодалайди:

буюртманинг таърифи ва унинг расмийлаштирилиши; 

етказиб бериш ёки буюртмани етказиб берувчига узатиш; 

етказиб берувчи томонидан буюртманинг бажарилиши; 

тайёр маҳсулотни буюртмачига етказиб бериш. 
Логистикада бошқариш объекти материал ҳисобланади. Бу умумлашган 
атама бўлиб, ишлаб чиқаришнинг хилма-хил моддий элементлари (хом ашё, асосий 
ва ёрдамчи материаллар, ёқили, энергия, савдо моллари ва ярим фабрикатлар, 
махсус кийим-кечак, таъмирлаш учун эҳтиёт қисмлар, иш қуроллари, асбоб-ускуна 
ва б.)ни билдиради. Материаллар логистика томонидан вақт оқими тизимида (яъни 
динамикаси бўйиича) кўриб чиқилади. Даражаси бўйича давлатлараро, миллий 
(шаҳарлараро), фирмалар ичида, цехлараро турларга ажратилади [3].
Босқичларнинг кетма-кетлиги бўйича оқимлар ташқи (материал оқими, 
ташқи муҳитдант оқиб кирадиган), кирувчи, ички, чиқувчи турларга ажратилади.
Характери бўйича транспорт воситалари авиация, денгиз, дарё, темир йўл, 
автомобил, цех ичи (кранли, конвейерли) оқимларига бўлинади.
Товар оқимининг рационал ташкил этилиши учун логистика жавобгарликни 
ўзига олади, шунинг учун унинг вазифаси қуйидагилар ҳисобланади: 

маҳсулотга буюртма амалиёти; 

товарлар ва ярим фабрикатларни ташиш; 

хом ашё, ярим фабрикат ва тайёр маҳсулотларни омборга жойлаштириш; 

товарларни қадоқлаш; 

материаллар оқимини ахборот билан таъминлаш.