Мева-сабзавотларни етиштириш, қайта ишлаш ва сотишнинг маркетинг стратегиясини ишлаб чиқиш 1

маркетинг стратегиясини ишлаб чиқиш»
 
276 
Тизимни ривожлантириш қишлоқ хўжалик маҳсулотларини сотишда савдо 
маданиятининг мос равишда ташкил этилиши билан бирга маҳсулот 
етиштириувчилар учун кафолатли бозор бўлишини таъминлайди. Бу эса ўз 
навбатида маҳсулот етиштириш хажмини кўпайтириш ва уни сифатини оширишга 
хизмат қилади. Бундай бозорлар тез бузиладиган маҳсулотларни сотиб олиш ва 
сотиш ҳамда бошқа худудларга олиб боришда муҳим аҳамият касб этади.
Аҳоли эҳтиёжини қондиришда ўта муҳим бўлган қишлоқ хўжалик 
маҳсулотларини етиштириш ва сотиш учун Ўзбекистон шароитида жуда ҳам катта 
имкониятлар мавжуд. Бу соҳада ўрта ва кичик бизнесни ривожлантириш, хусусий 
тадбиркорликни йўлга қўйиш ва қўллаб-қувватлаш хозирги куннинг энг долзарб 
муаммоларидан бири хисобланади.
Деҳқон бозорларидаги мева ва сабзавот нархларининг тартибсиз шаклланши 
бозорнинг «Номаълум ва эркин» бозор деган махсус хусусиятларини ифодалайди. 
Деҳқон бозорининг «Номаълумлиги ва эркинлиги» шу нарсада намоён бўладики, 
унинг асосий иштирокчиси бўлган ёрдамчи ва деҳқон хўжалиги эгалари ўзлари 
етиштирган мева ва сабзавот маҳсулотларни хоҳлаган ерда ва нархда сотишни 
эркин равишда танлайдилар. Уларга хеч ким ёки хеч қандай идора маҳсулотни 
сотиш бўйича зарур маслахат бера олмайди. Бозорнинг «Эркин» ва «Номаълум» 
кўринишда ифодаланиши бу ерда эркин рақобатнинг ҳам мавжуд бўлишни тақозо 
этади. Бозорда рақобатнинг кучайиши товар пул муносабатларининг ривожланиши 
учун жуда катта имкониятлар яратади ва умуман бозорни эгаллаш учун курашда 
асосий восита хисобланади. Шунинг учун ҳам бозор иқтисодиёти механизмлари 
иқтисодиёт тармоқларининг маълум бир қисмида ҳақиқатан ҳам реал мавжуд 
бўлиб, айниқса, деҳқон бозорида унинг намоён бўлиши хар доимо кўзимизга 
ташланиб туради.
Шу боисдан, дехқон бозорида амалга ошириладиган маркетинг фаолиятини 
тўйинган ва ривожланган бозор учун қўлланиладиган тамойилларни жорий қилиш 
асосида ўрганиш мақсадга мувофиқдир.
Деҳқон бозорида содир бўладиган жараёнларнинг тахлилини кўрадиган 
бўлсак, бу ерда; 
Биринчидан, ижтимоий меҳнат тақсимоти негизида товар ишлаб 
чиқарувчиларнинг тарқоқлиги хусусиятлари, яъни хар бир шахс ўзининг 
имконияти даражасида ишлаб чиқариш,