Metrologiyaning asoslari

Normativ hujjatlarning ishlab chiqilishini bosqichlari
O‘zDST asosiy normativ hujjatlar majmuidan iborat bo‘lib, ular tashkiliy-metodologik umumtexnikaviy standartlarga bo‘linadi va standartlar yordamida xalq xo‘jaligining hamma tarmoqlarining normativ rivojlantirilishining ta’minlanishiga ko‘maklashiga da’vat etilgandir. Tashkiliy-metodologik standartlar quyidagilarni belgilaydi:

Muayyan tarmoqdagi ishlar bo‘yicha maqsadlar, vazifalar, umumiy tashkiliy-texnikaviy qoidalarni;

Normativ hujjatlarning ishlab chiqilishi, tasdiqlanishi va tatbiq etilishi tartibini.

Umumiy texnikaviy standartlar quyidagilarni belgilaydi:

Xalq xo‘jaligining hamma tarmoqlaridagi ilmiy-texnikaviy atamalar va ularning ta’riflari.

Standartlashtirishning turli ob’ektlari uchun shartli belgilar (nomlar, kodlar, simvollar va boshqalar).

hujjatlarning har xil turlarining tuzilishi, bayon qilinishi, rasmiylashtirilishi va mazmuniga nisbatan talablar.

Ishlab chiqarishning texnikaviy va metrologik ta’minoti uchun zarur umumiy texnikaviy kattaliklar, talablar va normalar.

Normativ hujjatlarning hamma miqyoslarida ularni ishlab chiqish, kelishish, tasdiqlash, ro‘yxatdan o‘tkazishning yagona tartibi belgilangan. Normativ hujjatlarni ishlab chiqishning to‘rtta bosqichi amal qiladi:

loyihaning ishlab chiqilishi uchun texnik topshiriqning ishlab chiqilishi va tasdiqlanishi.

Loyihaning birinchi tahririning ishlab chiqilishi va fikr-mulohazalarni olish uchun tarqatilishi.

olingan fikr-mulohazalarning ishlab chiqilishi, oxirgi tahrirning ishlab chiqilishi.

normativ hujjatning tasdiqlanishi va davlat ro‘yxatidan o‘tkazilishi.

Mahsulotning davlat ro‘yxatidan o‘tkazilishini O‘zstandart agentligi amalga oshirishadi va normativ hujjatlar shunday ro‘yxatdan o‘tkazilmasa, haqiqiy deb hisoblanmaydi.

Normativ hujjatlarning milliy standartlar sifatida qo‘llanilishi ularning xalqaro hujjatlar bilan uyg‘unlashtirilishining eng samarali uslubi hisoblanadi va bu jahon bozoriga chiqish, umuman mamlakatning eksport salohiyatini oshirishning eng muhim yo‘llaridan biri bo‘lib hisoblanadi.