Metrologiya va standartlashtirish

TAJRIBA – 2: Mikrofonning ishlash prinsipini o‘rganish va uni darajalash.
ISHNING MAQSADI:

Kondensatorli o’lchash mikrofoni. Tovush tebranishlarini qabul qilish qurilmasi o’lchash ishlarini amalga oshirishda etarli darajadagi sezgirlikka, o’lchash traktida kichik nochiziqli og’ishlarga hamda barqaror sezuvchanlikka ega bo’lishi lozim. Akustik tovush maydoniga kiritilgan tovush qabul qilish qurilmasi belgilangan chastota diapazonida nuqsonsiz ishlay olishi kerak.
ISHNING MAZMUNI:

Havoda tovush bosimini o’lchash uchun mikrofonlardan foydalaniladi. Kondensatorli mikrofon birinchi bo’lib amerikalik olim E.Vente tomonidan 1917 yilda kashf qilingan. O’zining texnik xarakteristikalari bo’yicha kondensatorli mikrofonlar boshqalaridan ancha ustun turadi, shuning uchun akustik o’lchashlarda hamda o’lchash qurilmalarini darajalashda kondensatorli mikrofonlar keng qo’llaniladi (1–rasm). Tarang qilib tortilgan ingichka metall membrana 2 kondensator elektrodlaridan biri hisoblanadi, qo’zg’almas og’ir elektrod 1 esa – ikkinchi elektrod hisoblanadi. Ular R_n yuklamali qarshilik bilan o’zgarmas kuchlanish manbai zanjiriga ulanadi. Kondensatorli mikrofonning o’lchash membranasi tovush tebranishlarining bosimiga aks ta`sir ko’rsatadi.