Metrologiya va standartlashtirish kafedrasi

METROLOGIYA VA
STANDARTLASHTIRISH KAFEDRASI

“Metrologiya va standartlashtirish” kafedrasi Oliy va o’rta maxsus ta’lim vazirligi tomonidan 2021-yil iyul oyida tasdiqlangan strukturaga muvofiq institut rektorining 2021-yil 21-avgustdagi 129u-sonli buyrug’iga ko’ra tashkil etilgan.

Kafedra tarkibida 4 nafar dotsent, 1 nafar katta oʻqituvchi, 4 nafar stajyor-oʻqituvchilar faoliyat olib bormoqda.
Kafedra 60711300-Metrologiya, standartlashtirish va mahsulot sifati menejmenti (tarmoqlar boʻyicha) bakalavriat ta’lim yoʻnalishi va 70711302-Metrologiya, standartlashtirish va sifatni boshqarish (tarmoqlar boʻyicha) magistratura mutaxassisligi boʻyicha yetuk kadrlar tayyorlaydi.
60711300-Metrologiya, standartlashtirish va mahsulot sifati menejmenti (tarmoqlar boʻyicha) ta’lim yoʻnalishi
Yoʻnalishning kasb va texnika sohasidagi oʻrni. 60711300-Metrologiya, standartlashtirish va mahsulot sifati menejmenti (tarmoqlar boʻyicha) ta’lim yoʻnalishi fan va texnika sohasidagi yoʻnalish boʻlib, materiallar va ashyolar xossalari haqidagi nazariy qoidalar, vositalar, ishlab chiqarilyotgan mahsulot sifatini ta’minlash va baholash, metrologik ta’minot, standartlashtirish, sertifikatlashtirish, korhonalarda metrologik xizmat, sifat nazoratini tashkil etish, ekspertiza oʻtkazish va ilmiy-tadqiqot ishlarini olib borishga yoʻnaltirilgan faoliyat majmuasini qamrab oladi.
Kasbiy faoliyat turlari. Ta’lim yoʻnalishi boʻyicha bakalavr fundamental, umumkasbiy va maxsus tayyorgarlikka mos keluvchi quyidagi kasbiy faoliyat turlarini bajarishi mumkin:
Ilmiy va ilmiy-tadqiqot faoliyati: oʻlchash vositalar, texnik vositalar, jarayonlar va yangi turdagi sifatli mahsulotlarni ishlab chiqarishda sifat menejment tizimlarini joriy etishda ishtirok etish mumkin.
Ishlab chiqarish-texnologik faoliyati: standartlar loyihalarini, uslubiy va me’yoriy materiallarni, texnikaviy xujjatlarni ishlab chiqishda, ishlab chiqilgan loyiha va dasturlarni amalga oshirishda qatnashish; oʻrnatilgan talablarga, amaldagi me’yorlar, qoidalar va standartlarga rioya qilishni nazorat qilish, metrologik ta’minot va texnik nazorat boʻyicha ishlar olib borish;