“Метрология асослари ” фанидан амалий машғулотлар учун электрон ўқув-услубий қўлланма

3-
амалий машғулот.Ўлчанадиган катталикларнинг сифат ва 
микдор тавсифлари
 
1. Ташкилий қисм
 
Ишнинг максади:
- катталикнинг сифат ва миқдор тавсифлариниэлектронтарози,чизғич 
(хонанинг баландлигини ўлчаш учун метр))каби асбоблар орқали 
тушунтириб олганназарийбилимларимустахкамлаш? 
- Халқаро бирликлар тизими (СИ) ҳақида ва асосий ташкил этувчи 7 та 
катталикларни мисоллар ва келтирилган жадваллар орқали талабаларга 
тушунтириш 
- Катталик бирликлари ва хосилавий бирликларини ёзиш ва белгилаш 
қоидалари билан таништириш. 
Керакли қурилма ва материаллар 
Электрон тарози; 
Узунликни ўлчашга мўлжалланган метр 
Секундомер; 
Компьютер қурилмаси; 
Ўқув куроллари; 
Техника хавфсизлиги қоидалари 
1. 
Лаборантнингрухсатисиз асбобларни электр тармоғига улаш мумкин 
эмас. 
2. 
Электрон тарози билан эҳтиёткорона муносабатда бўлиш 
3. 
Олинган натижаларга салбий таьсир кўрсатувчи, дағал хатоликларни 
юзага келтирувчи омиллар (шовқин, титраш, юқори намлик ва ҳ.к.) 
сезиларсиз бўлиши лозим. 
4. 
Курилмада амалга ошириладиган тажрибалар лаборант кузатувида 
бажарилади. 
2.Назарий қисм
 
Катталиклар жуда кўп ва турли-туман, лекин уларнинг барчаси ҳам 
иккитагина тавсиф билан тушунтирилади. Бу сифат ва миқдор тавсифлари. 
2.1 Катталикларнинг сифат ва миқдор тавсифлари
 
Сифат тавсифи олинган катталикнинг моҳиятини, мазмунини 
ифодалайдиган тавсиф ҳисобланади. Гап масофа борасида кетганда муайян 
олинган объектнинг ўлчамларини, узун-қисқалигини ёки баланд-пастлигини 

---

билдирувчи хусусиятни тушунамиз, яъни кўз олдимизга келтирамиз. Буни 
оддийгина бир тажрибадан билишимиз мумкин. Бир дақиқага бошқа 
ишларингизни йиғиштириб, кўз олдингизга оғирлик ва ҳарорат номли 
катталикларни келтиринг... Хўш, уларнинг сифат тавсифларини сеза 
олдингизми. Бир нарсага аҳамият беринг-а, оғирлик деганда қандайдир бир 
мавҳум, оғир ёки енгил объектни, аксарият, тарози тошларини кўз олдига 
келтиргансиз, ҳарорат тўғрисида гап борганда эса, иссиқ-совуқликни 
билдирувчи бир нарсани гавдалантиргансиз. Айнан мана шулар биз сизга 
тушунтирмоқчи бўлган катталикнинг сифат тавсифи бўлиб ҳисобланади. 
Энди олинган объектларда бирор бир катталик тўғрисида сўзлайдиган 
бўлсак, бу объектлар ўзида шу катталикни кўп ёки кам 
“мужассамлаштирганлигини” шоҳиди бўламиз. Бу эса катталикнинг миқдор 
тавсифи бўлади.Мана энди катталикнинг таърифини келтиришимиз мумкин: 
Катталик - сифат томонидан кўпгина физикавий объектларга 
(физикавий тизимларга, уларнинг ҳолатларига ва уларда ўтаётган 
жараёнларга) нисбатан умумий бўлиб, миқдор томонидан ҳар бир объект 
учун хусусий бўлган хоссадир. 
Таърифда келтирилган хусусийлик бирор объектнинг хоссаси 
иккинчисиникига нисбатан маълум даражада каттароқ ёки кичикроқ 
бўлишини ифодалайди. Биз ўрганаётган метрология фани айнан мана шу 
катталиклар, уларнинг бирликлари,ўлчаш техникасининг ривожланиши билан 
чамбарчасбоғлиқдир. “Катталик” атамасидан хоссанинг фақат миқдорий 
томонини ифодалаш учун фойдаланиш тўғри эмас (масалан, “масса 
катталиги”, “босим катталиги” деб ёзиш), чунки шу хоссаларнинг ўзи катталик 
бўлади. Бунда “катталик ўлчами” деган атамани ишлатиш тўғри ҳисобланади. 
Масалан, маълум жисмнинг узунлиги, массаси, электр қаршилиги ва 
ҳоказолар. Муайян гуруҳлардаги катталикларнинг орасида ўзаро боғлиқлик 
мавжуд бўлиб, уни физикавий боғланиш тенгламалари орқали ифодалаш 
мумкин.