Metodik tavsiya

Mustaqil insonni tarbiyalashda ishonch hissining ahamiyati
Keyingi ish bolalarning o‘ziga bo‘lgan ishonchini rivojlantirishdir. “Talant o‘z kuchingga bo‘lgan ishonchingdir”,-deydi M.Gorkiy. O‘quvchining o‘ziga bo‘lgan ishonchini oshirish, shakillantirish uchun bolaning bilgan narsalarini so‘rab gapirtiramiz. Javobini jamoa ichida rag`batlantirishimiz, unga fikrini tasdiqlab, qo‘llab-quvvatlashimizni sezdirishimiz lozim. Aksariyat bolalarda o‘qituvchining “Noto‘g`ri aytding”, “Xato yozibsan” deb jamoa ichida aytilganidan keyin hadik hissi oshadi. Endi, u tanbeh olishdan qo‘rqib bilganini ham ayta olmaydi. O‘qituvchi bolaga, ayniqsa, yosh bolaga keskin qarshi javob berishi salbiy oqibatlar keltirib chiqaradi. Shuning uchun bolaga to‘g`ri, “Bunday javob bersang yanada to‘g`ri bo‘lar edi” kabi yumshoq muomalasi bolaning erkin fikrlashiga, o‘ziga bo‘lgan ishonchining oshishiga, mustaqil shaxs bo‘lib shakllanishiga yordam beradi. Jonli muhit yaratish, interaktiv ta’lim muhitini yaratish uchun o‘qituvchining o‘zi fidoiy, yangilikni sevgan bo‘lmog`i lozim. Innovatsiya interaktiv muhit yaratish bizdan katta xarajat yoki tayyorgarlik talab qilmaydi. “Agar siz bolalarning yoniq ko‘zlaridan kuch ola bilsangiz, o‘quvchilar uchun qilingan har bir ish ortiqcha tashvishga o‘xshamaydi”- deydi buyuk pedagog professor Ferberman.1-4-sinf o‘quvchilariga yuqorida aytilganidek oddiy, sodda va barcha sinflarga turli mavzularda qo‘llasa bo‘ladigan o‘yin ko‘rsataman. Bu matematika darslarida o‘quvchilarni geometrik figuralalar bilan tanishtirish, 1-2-sinflarda qo‘shish, ayirish, 2-3-sinflarda ko‘paytirish-bo‘lish kabi amallarni bajarishda foydalanish mumkin. Ustunlik tomoni o‘quvchilarda turli sinflarda turli mavzularda qo‘llasa bo‘ladi. Topshiriqni alohida va guruhlarda bajarish mumkin. Bolalarning tezkor fikrlashini oshirib, bilimini mustahkamlaydi. Bitta o‘yin davomida ham geometrik figura chizadi, ham misol yechadi. Asosiysi: bu topshiriqda qo‘li, ko‘zi, miyasi ishtirok etadi.


Mantiqiy fikrlashga o‘rgatuvchi innovatsion usullar