Методические указания по их выполнению. Учебно-методическим комплексом могут пользоваться студенты специального образования для самостоятельного выполнения межсессионных заданий по курсу «Микробиологии и вирусологии»

O’quv fanining maqsadi va vazifalari

Fanning maqsadi – talabalarga mikrobiologiya va biotexnologiya usullarini qishloq xo’jaligi mahsulotlarini ko’paytirish, ularni sifatini va ekologik tozaligini yaxshilash, tabiatni ifloslantirishdan saqlash va agrar ishlab chiqarishining boshqa barcha tarmoqlarida bu usullarni qo’llash to’g’risidagi bilimlarni berishdan iborat.

Fanning asosiy vazifasi – mikroorganizmlarning qishloq xo’jaligi ekinlarini etishtirishdagi ahamiyati, mikroorganizmlarni tavsiflash, mikroorganizmlarni genetikasi o’rganish, o’simlik va bakteriya hujayralaridan nuklein kislotalar va oqsillarni ajrata olish, rekombinant DNK (dezoksiribonuklein kislota) olish, ularni o’simliklar xujayrasiga o’tkazish, o’simliklarning tashqi noqulay ta’sirga, zararkunandalarga, gerbitsidlarga chidamli shakllarini gen muhandisligi usullari yordamida yaratish, transgen o’simliklar olish texnologiyasini, organ to’qima va protoplastlarni sun’iy oziq muhitda o’stirish, kallus to’qimasidan regenerant o’simlik olish, o’simliklarni mikroklonal ko’paytirish va sog’lomlashtirilgan ekish materiallari olish, o’simlikshunoslikda fitogarmon va fitoregulyatorlarni qo’llash, fitogarmon va fitoregulyatorlarni olishning biotexnologik usullari, o’sish regulyatorlarini qo’llashda ekologik va genetik xavfsizlikni ta’minlash, tuproq unumdorligini oshirish, o’simliklarni zararkunanda hasharotlar va kasalliklardan himoya qilish biotexnologiyasi to’g’risidagi bilim va ko’nikmalarni hosil qilishdir.
Fan bo’yicha bilim, malaka va ko’nikmaga
qo’yiladigan talablar
- mikrobiologiya va qishloq xo’jalik biotexnologiyasining hozirgi davrda erishgan yutuqlari va kelajakda hal qilinishi lozim bo’lgan masalalari bo’yicha tasavvurga ega bo’lishi kerak.
- mikrobiologiya va qishloq xo’jaligi biotexnologiyasida qo’llaniladigan asosiy mikrobiologik hamda biotexnologik usullar va jarayonlarni; ajratilgan mikroorganizm hamda o’simlik hujayra va to’qimalarini o’stirish texnologiyasini; o’simliklarni viruslardan holi qilishda mikrobiologik va biotexnologik usullarni; o’simliklar xujayrasida hosil bo’lgan moddalarni toza holda ajratib olish usullarini; mikroorganizmlar va o’simlik xujayrasidan ajratilgan xujayralarni selektsiyasini bilishi va qo’llay olishi kerak;
- mikroorganizmlar va o’simlik hujayralarini ko’paytirish jarayonini, steril sharoit yaratishni va ozuqa muhiti tayyorlash; sog’lom o’simlik ko’chatlarini meristemasidan ko’paytirish usullari yuzasidan ko’nikmalarga ega bo’lishi lozim.

Fanning o’quv rejadagi boshqa fanlar bilan o’zaro bog’liqligi va uslubiy jihatdan uzviy ketma-ketligi

Botanika, genetika, selektsiya, qishloq xo’jalik fitopatologiyasi, o’simlikshunoslik, tuproqshunoslik, agrokimyo, biokimyo, o’simliklar fiziologiyasi, biofizika va boshqa fanlar bilan uzviy bog’liq.