Ментал арифметика” ТЎгараги ўҚув дастури тошкент-2018

ЎЗБЕКИСТОН РЕСПУБЛИКАСИ ХАЛҚ ТАЪЛИМИ ВАЗИРЛИГИ


“баркамол авлод” республика болалар
техник ижодиёт маркази

“МЕНТАЛ АРИФМЕТИКА” ТЎГАРАГИ

ЎҚУВ ДАСТУРИ

ТОШКЕНТ-2018

Муаллиф:	Г.Рахимова - “Баркамол авлод” республика болалар техник ижодиёт маркази директор ўринбосари А.Холиқов-“Баркамол авлод” республика болалар техник ижодиёт маркази ўқувчиларни ижодий камол топтириш гуруҳи раҳбари

Ушбу қўлланма 2018 йил 20 апрелда бўлиб ўтган Услубий кенгашда муҳокама қилинди ва нашрга тавсия этилди

5-сонли баённома

“МЕНТАЛ АРИФМЕТИКА” ТЎГАРАГИ ЎҚУВ ДАСТУРИ

Кириш

Ҳар бир ота-она фарзандининг етук инсон бўлиб, вояга етишини истайди. Ана шу орзу умидларимизнинг руёбга ошиши учун бугунги кунда барча шарт- шароитлар мавжуд. Таълим тизими замон талабига кўра ислоҳ қилинмоқда. Билимга чанқоқ ўқувчи-ёшларимиз ҳам мактабда ҳам мактабдан ташқари таълим муассасаларида эҳтиёжлари даражасида таҳсил олишмоқда.

“Баркамол авлод” болалар марказлари қошида яқиндан тадшкил этилаётган “Ментал арифметика” тўгараклари болаларимизнинг фикрлаш қобилиятларини жуда тез ва антиқа ҳисоблаш малакасини шакллантиришга хизмат қиладиган масканлардан бири. Ўқувчи-ёшларимизнинг бугунги фикрлаши, дунёга янгича назар билан қараши уларнинг ҳам ижтимоий-иқтисодий, ҳам сиёсий, ҳам техникавий билимларга бўлган эҳтиёжи ўсганидан далолат беради.
Тўгаракнинг мақсади: ўқувчи-ёшларнинг интеллектуал қобилиятларини очиб бериш, ақлий ва ижодий потенциалларини ривожлантириш.
Тўгаракнинг вазифаси: боланинг ўнг ва чап ярим шарларининг баравар ишлашини таъминлаш; боладаги ижодий-интеллектуал потенциални имкон қадар юзага чиқариш; ўзига ишонч, диққат, хотира, ижодий фикрлаш, кузатувчанлик, хаёлий фикрлаш каби фазилатларни ривожлантириш ва ҳ.к.
Ментал арифметика – болада жуда тез оғзаки ҳисоблаш ақлий қобилиятини ривожлантириш методикаси бўлиб, ҳар бир машғулотда бир неча дақиқали жисмоний машқлар, бармоқлар учун ўйинлар, ақлий гимнастика татбиқ этилади.
“Ментал арифметика” тўгарагига 6 ёшдан 18 ёшгача бўлган ўқувчилар қабул қилинади.
Мазкур ўқув дастури Халқ таълими вазирлигининг 2015 йил
31 мартдаги 7-мҳ-сонли буйруғи билан тасдиқланган мактабдан ташқари таълимга қўйиладиган давлат талаблари асосида ишлаб чиқилган.
Ушбу ўқув дастурида берилган мавзулар ва мавзуга оид соатлар миқдори (216 соатдан чиқмаган ҳолда) ҳудуднинг ва тўгаракларга жалб қилинган болаларнинг ёш хусусиятларидан келиб чиққан ҳолда тўгарак раҳбари томонидан 25 фоизгача ўзгартирилиши мумкин.

“Ментал арифметика” тўгарагининг ўқув дастури

Т/р