“Менинг маҳаллам-менинг судьям”

Самарқанд вилоят суди судьялари У.Эшқобилов ва О.Нуримовлар ҳамда Пайариқ туманлараро иқтисодий судининг раиси Б.Жураевлар томонидан Пайариқ туманидаги “Янги хаёт”, “Ўзбекистон”, “Олмазор” маҳаллаларида “Менинг маҳаллам-менинг судьям” ғояси асосида аҳоли билан
очиқ мулоқот ва сайёр қабул ўтказди

Давлатимиз томонидан олиб борилаётган ислоҳотларни аҳолига тўлақонли етказиш, маҳалла фуқаролари билан очиқ мулоқот қилиш, уларнинг муаммоларини жойига чиқиб мунтазам ўрганиб бориш, қонунчиликдаги янгиликлар мазмунини ҳалқ онгига етказиш ва ҳуқуқий саводхонлигини ошириш мақсадида, Самарқанд вилоят суди судьялари У.Эшқобилов, О.Нуримов ҳамда Пайариқ туманлараро иқтисодий судининг раиси Б.Жураевлар томонидан маҳалла фуқароларига дастлаб, Ўзбекистон Республикаси Президентининг 2021 йил 06 июль кунги Фармони билан тасдиқланган Коррупцияга қарши курашиш бўйича 2021–2026 йилларга мўлжалланган янги Ўзбекистоннинг тараққиёт стратегиясини ўрганиш, Ўзбекистон Республикасининг 2022 йил 8 августдаги “Давлат фуқаролик хизмати тўғрисида”ги ЎРҚ-788-сонли Қонуни, Ўзбекистон Республикаси Президентининг 2022 йил 28 январь кунги ПФ-60-сонли Фармонида “Аёллар дафтари”га киритилган хотин-қизларга маҳаллабай сайёр қабуллар орқали ҳуқуқий ёрдам кўрсатиш масалалари юзасидан маърузалар ўқилди.

Тадбир давомида, судьялар томонидан фуқароларнинг мурожаатлари тингланиб, ечими топилмасдан муаммо бўлиб келаётган масалалар бўйича уларга ҳуқуқий тушунтиришлар бериш билан бир қаторда, фуқароларга Ўзбекистон Республикасининг янги қабул қилинаётган Қонун ва қонуности ҳужжатлари юзасидан ҳам маълумот бериб ўтилди.
Самарқанд вилоят суди судьялари У.Эшқобилов ва О.Нуримовлар ҳамда туманлараро суди раиси Б.Жураев, маҳалла фуқаролари билан учрашув самарали бўлганлигини эътироф этиб, келгусида яна шундай тадбирлар ўтказиш тўғрисида келишиб олдилар.